رەسەيدەگى پرەزيدەنت سايلاۋى: داۋىس بەرۋدىڭ سوڭعى كۇنى

28 ايماق بويىنشا قا­شىقتان ەلەكتروندى دا­ۋىس بەرۋگە تىركەلگەن ەلەكتو­راتتىڭ 91 پايىزى قاتىستى. بۇل شامامەن 4,35 ميلليون ادام. ەل استاناسى تۇرعىن­دارىنان قاشىقتان داۋىس بەرۋگە تىركەلۋ تالاپ ەتىلمەسە دە, جەرگىلىكتى ۋاقىتپەن ساعات 9.50-دە 3,3 ميلليونعا جۋىق ماسكەۋلىك ءوز داۋىسىن ونلاين بەردى.

رەسەيدىڭ قيىر شىعىسىن­داعى وڭىرلەردە ماسكەۋ ۋاقى­تىمەن ساعات 9.00-دە سايلاۋ­شىلاردىڭ قاتىسۋى 55 پايىز­دان اسقان. ولار­دىڭ قاتا­رىندا ەۆرەي اۆتو­نو­ميا­لىق وبلىسى 85,5 پايىز­دىق كورسەتكىشپەن كوش باس­تاپ كەلەدى, 84,18 پايىز­دىق ناتيجەمەن چۋكوت اۆتو­نوميالىق وكرۋگى ەكىنشى ورىن­دا تۇر. جالپى, داۋىس بەرۋگە كەلگەن سايلاۋشىلاردىڭ ۇلەسى بويىنشا ەل وڭىرلەرى ارا­سىندا ءبىرىنشى ورىندى تۋۆا رەسپۋبليكاسى بەرمەي كەلەدى. جەرگىلىكتى ۋاقىت بويىن­شا 12.00-گە دەيىن (ماس­كەۋ ۋاقىتىمەن 8.00) تۋۆا­لىق­تاردىڭ بەلسەندىلىگى 89,99 پايىزدى كورسەتتى.

رەسەي ءسىم رەسمي وكىلى ماريا زاحاروۆا Telegram-ارناسىندا الەمنىڭ 111 ەلىن­دەگى 125 مىڭنان استام رە­سەيلىك پرەزيدەنت سايلاۋىندا ءوز كانديداتىن جاقتاپ, تاڭ­داۋىن جاساعان. ونىڭ اي­تۋىنشا, 230 سايلاۋ ۋچاسكە­سىن­دە بارلىعى 125 428 ادام داۋىس بەرگەن. «ۋاقىت ايىرماشىلىعىنا بايلانىستى بىرقاتار سايلاۋ ۋچاسكەسى بۇگىن عانا اشىلادى», دەپ جازدى م.زاحاروۆا. سوعان قاراعاندا شەتەلدەگى سايلاۋ قورىتىندىلارى ءالى دە وسە تۇسپەك.

قازاقستان اۋماعىندا جۇر­گەن رەسەيلىكتەر دە استا­نا, الماتى, ورال, وسكەمەن قالالارىندا اشىلعان سايلاۋ ۋچاسكەلەرىنە ەلىنىڭ تىزگىنىن الداعى التى جىلعا سەنىپ تاپ­­سىراتىن ساياساتكەردى تاڭ­­داۋ ءۇشىن كەلىپ جاتىر. بۇل قالالاردىڭ ىشىندە تەك ال­ما­تىداعى سايلاۋ ورىندا­رىندا ۇزىن-سونار كەزەك قالىپتاسقان.

جالپى, رەسەي شەكارا سىرتىنداعى شەت مەملەكەتتەردەن, سونىڭ ىشىندە دوستاس ەمەس ەلدەردىڭ اۋماعىنان دا 300-گە جۋىق سايلاۋ ۋچاسكەسىن اشۋدى جوسپارلاعان بولا­تىن. بىراق بۇل سىرتقى ىستەر مينيسترلىگىنە وڭايعا سوق­پادى. ويتكەنى رەسەي مەن ۋكراينا سوعىسىنا بايلانىس­تى كوپتەگەن ەل رەسەيمەن ديپلوماتيالىق بايلانىسىن ءۇزىپ, وكىلدىكتەرىنىڭ جۇمىسىن توقتاتقان. سونىڭ سالدارىنان ماسكەۋدىڭ جەكەلەگەن ەلدەردە سايلاۋ ۋچاسكەلەرىن ورنالاستىرۋ مۇمكىندىكتەرى ازايىپ كەتكەن ەدى.

رەسەيدىڭ وسك مالىمەتىنە سۇيەنسەك, بيىلعى 1 قاڭتار­داعى اقپارات بويىنشا شەتەلدە شامامەن 1,9 ملن ساي­لاۋشى تىركەلگەن. دەگەن­مەن كانديداتتاردىڭ قانشا­لىقتى داۋىس جيناعانى ازىر­گە بەلگىسىز. بارلىق سايلاۋ ۋچاسكەسى جەرگىلىكتى ۋاقىت بويىنشا ساعات 20.00-دە جۇمىسىن توقتاتۋعا ءتيىس. ال داۋىس بەرۋدىڭ العاشقى قورىتىندىلارى ماسكەۋ ۋاقىتىمەن تۇنگى 21.00-دەن كەيىن بەلگىلى بولا باستايدى.

كورشى ەلدەگى سايلاۋعا قاتىستى وزگە دە اقپاراتتارعا توقتالا كەتسەك, رەسەيدىڭ ورتالىق سايلاۋ كوميسسياسى 106 مەملەكەتتەن ءوتىنىش بىلدىرگەن 706 حالىقارالىق باقىلاۋشىنى رەسمي اككرەديتتەگەن. سونداي-اق سوچيدە وتكەن دۇنيەجۇزىلىك جاستار فەستيۆالىنىڭ قورىتىندىسى بويىنشا, 51 مەملەكەتتەن كەلگەن 224 ساراپشى ەل­دەگى سايلاۋ بارىسىنىڭ ۇيىم­داستىرىلۋىمەن تا­نى­سۋعا قىزىعۋشىلىق ءبىلدى­رىپتى. ال قوعامدىق پالاتا­نىڭ شا­قىر­تۋىمەن 58 مەملە­كەتتىڭ 185 ساراپشىسى رەسەيگە كەلگەن.

رەسەي فەدەراتسياسىنىڭ پرە­زيدەنتىن سايلاۋ 15-17 ناۋ­رىز ارالىعىنا بەلگىلەنگەن. پرەزيدەنت 2030 جىلدىڭ مامىرىنا دەيىن, ياعني التى جىل­­عا سايلانادى. ۇمىتكەر ءبى­رىن­شى تۋردان ءوتۋى ءۇشىن ساي­لاۋ­­شىلاردىڭ جارتىسىنان كوبى­نىڭ داۋسىنا يە بولۋ كەرەك.

سايلاۋ ۋچاسكەلەرى ءۇش كۇن – جۇمادان باستاپ, جەرگىلىكتى ۋاقىت بويىنشا 8.00-دەن 20.00-گە دەيىن اشىق بولادى. ەلدەگى 89 ايماقتىڭ 29-ىن­دا, سونىڭ ىشىندە ماسكەۋ قا­لاسىندا دا قاشىقتان ەلەكتروندى تۇردە داۋىس بەرۋگە بولادى. ەلەكتروندىق داۋىس بەرۋ 17 ناۋرىز كۇنگى ساعات 20.00-گە دەيىن جوسپارلانعان.

بۇل جولعى ەلدەگى باستى ساياسي ناۋقانعا ءتورت كانديدات قاتىسىپ جاتىر. اتاپ ايتساق, مەملەكەتتىك دۋمانىڭ ۆيتسە-سپيكەرى ءارى «نوۆىە ليۋدي» فراكتسياسى باسشىسىنىڭ ءبىرىنشى ورىنباسارى ۆلاديس­لاۆ داۆانكوۆ, قازىرگى پرەزيدەنت ۆلاديمير پۋتين (سايلاۋعا ءوزىن-ءوزى ۇسىنعان), لدپر فراكتسياسىنىڭ باسشىسى لەونيد سلۋتسكي جانە رەسەي كوممۋنيستىك پارتياسى فراكتسياسىنىڭ دەپۋتاتى نيكولاي حاريتونوۆ.