جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىندە «ناۋرىزناما» ونكۇندىگىنىڭ شىمىلدىعىن «كورىسۋ كەرۋەنى» اتتى ەتنو-فەست ءىس-شاراسى اشتى, دەپ حابارلايدى Egemen.kz.
ۋنيۆەرسيتەت قالاشىعىندا وتكەن مەرەكەلىك باعدارلامانى ورال قالالىق مادەني-اعارتۋ بىرلەستىگى جانىنداعى «ارمان» بالالار اۋلا كلۋبى مەن ۋنيۆەرسيتەتتەگى «مادەنيەت جانە ونەر ستۋدياسى» ۇيىمداستىرعان ەكەن. باس عيماراتتىڭ فويەسىندە وقىتۋشىلار مەن قىزمەتكەرلەردى جانە ءبىلىم الۋشىلاردى ۇلتتىق كيىمدەگى جاستار قارسىلاپ, ۇلكەندەرمەن كورىسىپ, باتاسىن الدى. ۇجىم قىزمەتكەرلەرى ءبىر-ءبىرىن ەجەلدەن كەلە جاتقان «كورىسۋ ايت» مەيرامىمەن قۇتتىقتاپ, جىلى لەبىز ءبىلدىردى. «نارىن سازى», «ەركە-نۇر», «تۇمارىم» شىعارماشىلىق ۇجىمدارى ونەردەن شاشۋ شاشىپ, مەرەكەلىك كوڭىل كۇيدى ەسەلەي ءتۇستى.
– بيىل ناۋرىز مەرەكەسى جاڭاشا سيپاتتا ءوتىپ جاتىر. باتىس وڭىرىندە عانا اتاپ وتىلەتىن «كورىسۋ كۇنى» ەل كولەمىندە ناسيحاتتالىپ جاتقانى قۋانتادى. 23 ناۋرىزعا دەيىنگى ونكۇندىكتىڭ ءار كۇنى ماڭىزدى شارالارمەن جالعاسىپ, ۇلتتىق قۇندىلىقتارىمىزدى دارىپتەيتىن بولامىز. مۇنىڭ ءوزى – ۇلكەن جەتىستىك. ءوزىمىز ۇستاز بولعاندىقتان, جاستاردىڭ بويىنا پاتريوتتىق سەزىم ۇيالاتۋعا تىرىسامىز. بارشا ارىپتەستەرىمدى بۇگىنگى مەرەكەمەن, كەلە جاتقان ۇلىستىڭ ۇلى كۇنىمەن قۇتتىقتايمىن! – دەيدى ۋنيۆەرسيتەت جانىنداعى ەكونوميكا, اقپاراتتىق تەحنولوگيالار جانە كاسىبي ءبىلىم بەرۋ ينستيتۋتىنىڭ ديرەكتورى جانار ەرجانوۆا.
بۇدان كەيىن وقىتۋشىلار مەن قىزمەتكەرلەر ۇلتتىق تاعامداردان ءدام تاتىپ, ۇلتتىق جادىگەرلەرمەن جاساقتالعان بۇرىشتى تاماشالادى.