قازاقستان ازاماتتارى تايلاندقا 30 كۇننەن اسپايتىن مەرزىمگە ۆيزاسىز بارا الادى. ءتيىستى ۇكىمەت قاۋلىسىنىڭ جوباسى «اشىق نقا» سايتىندا جاريالاندى, دەپ حابارلايدى Egemen.kz.
«جوبادا كەلىسىم ءماتىنى تانىستىرىلعان. وعان سايكەس, قازاقستان ازاماتتارىنىڭ تايلاند اۋماعىنا 30 كۇننەن اسپايتىن مەرزىمگە بارۋى ءۇشىن ولاردى ۆيزالىق تالاپتاردان بوساتۋ جوسپارلانىپ وتىر. بۇل رەتتە 180 كۇن ىشىندە ازاماتتىڭ تايلاندتا بولعان كۇندەرىنىڭ جالپى سانى 90 كۇننەن اسپاۋى ءتيىس. سونداي-اق جولاۋشىلاردىڭ پاسپورتىنىڭ جارامدىلىق مەرزىمى 6 ايدان كەم بولماۋى ءتيىس», دەلىنگەن قۇجاتتا.
سايكەسىنشە, تايلاند كورولدىگى ازاماتتارىنىڭ قازاقستاندا بولۋى ءۇشىن دە ءدال وسىنداي شارتتار قولدانىلادى.
كورسەتىلگەن مەرزىمنەن ارتىعىراق بولۋ ءۇشىن ازاماتتار ۆيزا راسىمدەۋى ءتيىس.
ەسكە سالايىق, قازاقستان مەن تايلاند اراسىندا ۆيزاسىز رەجيم 2023 جىلعى 25 قىركۇيەك پەن 2024 جىلعى 29 اقپان ارالىعىندا ۋاقىتشا, سىناقتان وتكىزۋ ماقساتىندا ەنگىزىلگەن بولاتىن.