سەنات سپيكەرى ماۋلەن اشىمباەۆتىڭ توراعالىعىمەن وتكەن پالاتا بيۋروسىندا دەپۋتاتتار 14 ناۋرىزدا وتەتىن سەنات وتىرىسىنىڭ كۇن ءتارتىبىن بەكىتتى.
الداعى بەيسەنبىدە سەناتورلار «1994 جىلعى 9 تامىزداعى قازاقستان رەسپۋبليكاسى مەن ليتۆا رەسپۋبليكاسىنىڭ اراسىنداعى ازاماتتىق, وتباسىلىق جانە قىلمىستىق ىستەر بويىنشا قۇقىقتىق كومەك جانە قۇقىقتىق قاتىناستار تۋرالى شارتقا وزگەرىس ەنگىزۋ تۋرالى حاتتامانى راتيفيكاتسيالاۋ تۋرالى» زاڭدى قارايدى.
بۇل زاڭ ەكى ەلدىڭ ازاماتتىق, وتباسىلىق, قىلمىستىق ىستەر بويىنشا قۇقىقتىق كومەك جانە قۇقىقتىق قاتىناستار تۋرالى شارتىنىڭ ەرەجەلەرىن جەتىلدىرۋدى كوزدەيدى.
سونىمەن قاتار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنساۋلىق ساقتاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ دا پالاتا وتىرىسىنىڭ كۇن تارتىبىنە شىعارىلدى.
قۇجاتتا مەديتسينالىق ماماندىقتىڭ مارتەبەسىن ارتتىرۋ جانە دەنساۋلىق ساقتاۋ قىزمەتكەرلەرىن زاڭگەرلىك, قارجىلىق قورعاۋ جونىندەگى نورمالار, سونداي-اق, باسقا دا شارالار قاراستىرىلعان.