23 ناۋرىز كۇنى استانا قالاسىندا «جەر ساعاتى» حالىقارالىق ەكولوگيالىق اكتسياسى وتەدى. ءىس-شارا اياسىندا قالا تۇرعىندارىنا جارىقتى جانە ەلەكتر ەنەرگياسىن تۇتىناتىن تۇرمىستىق تەحنيكانى 1 ساعاتقا ءوشىرۋ ۇسىنىلدى, دەپ جازادى Egemen.kz.
قالالىق اكىمدىك ءداستۇرلى تۇردە وتەتىن اكتسيانى ەلوردالىقتار ءاردايىم قولدايتىنىن ايتتى.
«اكتسيا 23 ناۋرىز كۇنى ساعات 20:30-دان 21.30-عا دەيىن وتەدى. قالا تۇرعىندارىن عالامشاردىڭ بولاشاعىنا بەي-جاي قاراماي, اتالعان ۋاقىتتا جارىق پەن تۇرمىستىق ەلەكتر قۇرالدارىن ءوشىرىپ, ماڭىزدى اكتسياعا اتسالىسۋعا شاقىرامىز. «جەر ساعاتى» – دۇنيەجۇزىلىك جابايى تابيعات قورىنىڭ (WWF) قامقورلىعىمەن جىل سايىن وتەتىن ءىس-شارا. اكتسياعا الەم بويىنشا 2 ملرد-تان استام ادام قاتىسادى. اكتسيانىڭ ماقساتى – پلانەتانىڭ تابيعاتى مەن رەسۋرسىنا جاۋاپكەرشىلىكپەن قاراۋعا نازار اۋدارتۋ», دەلىنگەن حابارلامادا.
وسى ۋاقىتتا ەلورداداعى مەملەكەتتىك ورگاندار, ۆەدومستۆولىق باعىنىستى ۇيىمدار, ساۋدا-ويىن-ساۋىق ورتالىقتارى, ءىرى سپورت كەشەندەرى مەن بيزنەس ورتالىقتاردا جارىق سوندىرىلەدى. سەبەبى, اكىمدىك اتالعان ورىندار اكتسيانى قولداپ وتىرعانىن مالىمدەدى.