ەلوردا اكىمدىگى رەسمي سايتى ءمالىم ەتكەندەي, 9 ناۋرىز كۇنى قالا بويىنشا 2,2 مىڭنان استام جول جۇمىسشىسى مەن 1,1 مىڭنان اسا ارنايى تەحنيكا جۇمىلدىرىلعان, دەپ حابارلايدى Egemen.kz.
وتكەن تۇندە 1,2 مىڭنان اسا رەيس ارقىلى قالادان پوليگوندارعا 17,4 مىڭ تەكشە مەتر قار جەتكىزىلدى. قىس مەزگىلى باسىنان بەرى پوليگوندارعا 445,3 مىڭ رەيسپەن 6 ملن تەكشە مەتردەن استام قار شىعارىلعان.
قار كۇرەۋ جۇمىسى تاۋلىك بويى اۋىسىمدىق رەجيمدە جۇرگىزىلىپ, ءبىرىنشى كەزەكتە ورتالىق كوشەلەردە, جولاۋشىلار كولىگى جۇرەتىن جولداردا, ايالدامالاردا, تروتۋارلاردا تازالاۋ جۇمىسى جۇرگىزىلىپ جاتىر.
قالادا بىرنەشە جابدىقتالعان قار پوليگونى بار. ولار ساموسۆال تەحنيكاسىنىڭ نومىرلىك بەلگىلەرىن وقۋ جۇيەسىمەن جابدىقتالعان, مۇندا بەينەباقىلاۋ كامەرالارى ورناتىلعان, جارىقتاندىرۋ قوسىلعان.
«قازگيدرومەت» رمك مالىمەتىنشە, استانا قالاسىندا 9 ناۋرىزدا كۇندىز جاۋىن-شاشىن, ال تۇندە جانە تاڭەرتەڭ تۇمان بولاتىنى بولجانعان.