يتاليانىڭ بۋستو-ارسيتسيو قالاسىندا بوكستان ءوتىپ جاتقان ليتسەنزيالىق تۋرنيردە قازاقستان قۇراماسىنىڭ كاپيتانى اسلانبەك شىمبەرگەنوۆ ەكىنشى رەت جەڭىسكە جەتتى, دەپ حابارلايدى Egemen.kz.
ول اتالعان الەمدىك ءتۋرنيردىڭ 1/16 فينالىندا (71 كگ) پولشالىق داميان دۋركاچتى جەڭىپ, 1/8 فينالدىق كەزەڭىنە ءوتتى.
ايتا كەتسەك, وتانداسىمىز بۇعان دەيىن فين بوكسشىسى سەم ءموروۆاتيدى جەڭگەن ەدى.
بوكسشىلار جارتىلاي فينالعا شىقسا پاريج وليمپياداسىنا جولداما بەرىلەدى. ال فينالدىق جەكپە-جەك بولمايدى.
3 ناۋرىزدا باستالىپ, 12-ءسى كۇنى مارەسىنە جەتەتىن اتالعان تۋرنيردە ەرلەر اراسىندا 28, ايەلدەر اراسىندا 21 جولداما ساراپقا سالىنىپ وتىر. قازاقستان قۇراماسىنان ەرلەردەن 6, ايەلدەردەن 5 بوكسشى جولداماعا تالاسىپ جاتىر.