8 ناۋرىز مەرەكەسى قارساڭىندا الماتىدا ايەلدەر رۇقسات ەتىلگەن ميتينگكە شىقتى. ايەلدەر قوزعالىسى قالاداعى ماحاتما گاندي ەسكەرتكىشى جانىنداعى ساياباقتا ءوتتى, دەپ جازادى Egemen.kz.
ميتينگكە قاتىسۋشىلار ايەل قۇقىعى مەن قوعامداعى ورنىنا قاتىستى الەۋمەتتىك ماسەلەلەردى كوتەردى.
ءىس-شارانى قيىن جاعدايدا قالعان ايەلدەردى قولداۋ ماقساتىندا قۇرىلعان «راحىم» الەۋمەتتىك ءۇيىنىڭ نەگىزىن قالاۋشى ءبيبىنۇر شەراليەۆا, ازاماتتىق تەڭ قۇقىق ءۇشىن كۇرەسەتىن باسقا دا قوعامدىق ۇيىمدار مەن قوزعالىس وكىلدەرى ۇيىمداستىردى.
ميتينگكە 100-گە جۋىق ادام قاتىستى, ولاردىڭ ىشىندە باق وكىلدەرى مەن ۇيىمداستىرۋشىلار, سونداي-اق جاستار بولدى.
جيىننىڭ ۇيىمداستىرۋشىسى ءبيبىنۇر شەراليەۆا اجىراسقان ايەلدەردىڭ جاعدايىن ورتاعا سالىپ, تابىسىنا قاراماي ەڭ تومەنگى جالاقىنىڭ پايىزىنا تەڭ اليمەنت تولەۋ ادىلەتسىزدىك دەپ ەسەپتەيتىنىن جەتكىزدى. ول وسى ماسەلەنىڭ جۇگىن كوتەرگەن زاڭ جوباسىنا تۇزەتۋ ەنگىزىلۋى قاجەت دەپ سانايدى.
ميتينگ 2 ساعاتقا سوزىلدى.
فوتو: ءاليحان ساريەۆ