اپەننين تۇبەگىندە ءوتىپ جاتقان وليمپيا ويىندارىنىڭ ىرىكتەۋ تۋرنيرىندە ەلىمىزدىڭ بوكسشىلارى ءوز قارسىلاستارىن جايپاپ كەلەدى.
جارىستىڭ ءۇشىنشى كۇنى 60 كگ سالماقتاعى ريما ۆولوسەنكو ونەر كورسەتتى. بۇعان دەيىن ترينيداد پەن توباگونىڭ وكىلى حادناس-ساح تيانانى تىزە بۇكتىرگەن وتانداسىمىز ەكىنشى كەزەڭدە ماجارستاندىق پەترا سابانى جاقسىلاپ سابادى. كەشكى باعدارلامادا 71 كگ سالماق دارەجەسىندەگى اسلانبەك شىمبەرگەنوۆ شارشى الاڭعا كوتەرىلدى. كوماندا كاپيتانى فينليانديانىڭ جەتى دۇركىن چەمپيونى سەم ءموروۆاتيدى اۋىر سوققىنىڭ استىنا الىپ, وعان باس كوتەرتپەدى. ەكىنشى راۋندتا تورەشى جەكپە-جەكتى توقتاتۋعا ءماجبۇر بولدى.
63,5 كگ سالماقتاعى مۇحاممەدسابىر بازارباي ۇلى تاعى ءبىر ترينيدادتىق فيليپپ دوننەلمەن قولعاپ ءتۇيىستىردى. بۇل باسەكەدە جەرلەسىمىز كۇمانسىز جەڭىسكە جەتتى.