قاراعاندى قالاسىنداعى تۇرعىن ۇيلەردىڭ بىرىندە ءورت شىعىپ, التى ادام, ونىڭ ىشىندە 2 بالا كومىرقىشقىل گازىنان ۋلانىپ قالدى, دەپ حابارلايدى Egemen.kz قر توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەمە جاساپ.
6 ناۋرىزدا ساعات 12:33-تە قاراعاندى قالاسى, ساتىبالدين كوشەسى مەكەنجايىندا پاتەر ورتەنىپ جاتقانى تۋرالى حابارلاما كەلىپ ءتۇستى.
«5 قاباتتى تۇرعىن ءۇيدىڭ 1-قاباتىنداعى پاتەرىندە 15 ش.م (تۇرمىستىق زاتتار مەن جيھازدىڭ جانۋى) الاڭدا ءورت شىقتى. ساعات 13:09-دا ءورت ءسوندىرىلدى. توتەنشە جاعدايلار دەپارتامەنتىنىڭ كۇشتەرى قۇتقارۋ قالپاعىن پايدالانىپ 9 ادامدى قۇتقاردى. جەدەل جاردەم بريگادالارى مەن اپاتتار مەديتسينا ورتالىعى ءورت ورنىنان الدىن الا كومىرقىشقىل گازىمەن ۋلانعان 6 ادامدى (ونىڭ ىشىندە 2 بالا) الىپ كەتتى», دەپ حابارلادى مينيسترلىك وكىلدەرى.
ءورتتىڭ شىعۋ سەبەبى انىقتالىپ جاتىر.
ءورتتى سوندىرۋگە جەكە قۇرامنىڭ 24 ادامى, 6 بىرلىك اۆاريالىق-قۇتقارۋ تەحنيكاسى, سونداي-اق «امو» فمم 4 ادام, 1 بىرلىك تەحنيكا جۇمىلدىرىلدى.