Amazon نەگىزىن قالاۋشى دجەفف بەزوس Bloomberg نۇسقاسى بويىنشا 2021 جىلدان بەرى العاش رەت الەمنىڭ ەڭ باي ادامدارى تىزىمىندە ءبىرىنشى ورىندى يەلەندى, دەپ حابارلايدى Egemen.kz.
وسىلايشا, بەزوس تىزىمدەگى Tesla جانە SpaceX يەگەرى يلون ماسكتى, سونداي-اق LVMH ديرەكتورلار كەڭەسىنىڭ توراعاسى Moet Hennessy – لۋي ۆۋيتتوندى, بەرنارد ارنونى تاسادا قالدىرىپ ۇلگەردى. ولاردىڭ بايلىعى قازىرگى ۋاقىتتا سايكەسىنشە 198 ميلليارد دوللار جانە 197 ميلليارد دوللاردى قۇرايدى.
بەزوستىڭ كاپيتالىن ەسەپتەۋ كەزىندە ونىڭ Blue Origin عارىشتىق زەرتتەۋ كومپانياسىنان تۇسكەن تابىس پەن Amazon اكتسيالارىنىڭ ساتىلىمى دا ەسكەرىلدى.
60 جاستاعى بەزوس Bloomberg رەيتينگىندە سوڭعى رەت 2021 جىلى كوش باستاعان ەدى. ودان كەيىن كوشباسشىلىق ورىنعا يلون ماسك جايعاسقان. ونىڭ بايلىعى Tesla كومپانياسىنىڭ اكتسيالارى باعاسىنىڭ ءوسۋى ارقاسىندا ءوستى. الايدا 2024 جىلى Tesla اكتسيالارى 24 پايىزعا, ال ماسكتىڭ بايلىعى 31 ميلليارد دوللارعا ازايعان.