كوركەم گيمناستيكادان ەستونيانىڭ تارتۋ قالاسىندا وتكەن «Miss Valentine» دوداسىندا ايبوتا ەرتايقىزى تابىستى ونەر كورسەتتى.
گران-پري ساناتىنا جاتاتىن جارىستا وسى سپورت ءتۇرىن سەرىك ەتكەن ءبىراز مىقتى باق سىنادى. سولاردىڭ اراسىندا ءبىزدىڭ ايبوتا دا بار. «دوپ» جاتتىعۋى بويىنشا ول 32,700 ۇپايدى يەلەنىپ, كۇمىس مەدالدى موينىنا ءىلدى. «شىعىرشىقتا» 32,550 ۇپاي ەنشىلەپ, قازاق قولاعا قول سوزدى. ءسويتىپ, قازاق قىزى بالتىق جاعالاۋىنان قوس جۇلدەمەن ورالدى.
سونداي-اق ا.ەرتايقىزىنىڭ «تاسپا» مەن «ۇرشىقتان» دا جەڭىس تۇعىرىنا كوتەرىلۋگە جاقسى مۇمكىندىگى بولدى. بىراق فينالدىق سايىستا باستى قارسىلاستارىنا جول بەرىپ, ءتورتىنشى ورىنعا تۇراقتادى.