وسى جىلدىڭ 3 ناۋرىزىندا سەمەي قالالىق 112 شۇعىل قىزمەت ارناسىنا 17 جاستاعى جاسوسپىرىمنەن قوڭىراۋ كەلىپ تۇسەدى. ول وپەراتورعا ءوز ءومىرىن قيعىسى كەلەتىنىن ايتقان, دەپ جازادى Egemen.kz اباي وبلىسىنىڭ پوليتسيا دەپارتامەنتىنە سىلتەمە جاساپ.
قۇتقارۋ قىزمەتىنىڭ وپەراتورى جاسوسپىرىممەن سويلەسىپ جاتقاندا, پاترۋلدىك پوليتسيا باتالونىنىڭ ەكيپاجى – قىزمەتكەرلەر دامير احمەتبەكوۆ پەن رايىمبەك ەگىناليەۆ قوڭىراۋ كەلىپ تۇسكەن ورىنعا جەدەل اتتانىپ, 3 مينۋتتا جەتىپ ۇلگەرگەن.
ر.ەگىناليەۆ كوپىردەن سەكىرمەك بولعان بالاعا ساقتىقپەن جاقىنداپ, قاۋىپسىز ورىنعا قاراي تارتىپ الادى.
ايتا كەتەيىك, ءجاسوسپىرىمنىڭ ومىرىنە قاۋىپ ءتونىپ تۇرعان جوق, قازىر پسيحولوگ ماماندار بالامەن جۇمىس ىستەپ جاتىر.