قاراعاندى وبلىسىندا ەڭ قاجەتتى ازىق-ت ۇلىك ونىمدەرى باعاسىنىڭ نەگىزسىز ءوسۋى تىركەلمەگەن. بولشەك ساۋدا نىساندارىندا زاڭمەن رۇقسات ەتىلگەن 15% ۇستەمە عانا ساقتالىپ وتىر.
قاراعاندى وبلىسىندا الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتى ۇستاپ تۇرۋ ءۇشىن نەندەي شارالار قولعا الىنىپ جاتقانى جايىندا وڭىرلىك كوممۋنيكاتسيالار قىزمەتى پلاتفورماسىندا وتكەن بريفينگتە كاسىپكەرلىك باسقارماسىنىڭ باسشىسى يرينا ليۋبارسكايا جانە اۋىل شارۋاشىلىعى باسقارماسى باسشىسىنىڭ ورىنباسارى سىرىم بوشپانوۆ ايتىپ بەرگەن ەدى.
وڭىردە باعانى رەتتەۋ ماقساتىندا بىرنەشە تەتىك قولدانىلادى: وڭىرلىك تۇراقتاندىرۋ قورى قۇرىلادى, وندىرۋشىلەرگە اينالىم سحەماسى بويىنشا نەسيەلەر بەرىلەدى, مەموراندۋمدار جاسالادى.
– «سارىارقا» اكك باعاسىن تۇراقتاندىرۋ ءۇشىن 2 219 توننا باكالەيا ءونىمى, ونىڭ ىشىندە 404 توننا كۇرىش, 422 توننا قانت, 73 توننا قاراقۇمىق جارماسى, 90 مىڭ ليتر كۇنباعىس مايى, 1 230 توننا ءبىرىنشى سۇرىپتى ۇن جەتكىزۋ تۋرالى كەلىسىمشارت جاسالدى. سونداي-اق 690 توننا كارتوپ, 274 توننا ءسابىز, 520 توننا پياز جانە 222 توننا قىرىققابات ءۇشىن نەسيە شارتتارى جاسالدى, – دەدى س.بوشپانوۆ.
اينالىم سحەماسى شەڭبەرىندە الەۋمەتتىك نان 90 تەڭگەدەن, ءبىرىنشى سۇرىپتى ۇن – 154 تگ/كگ جانە ماكارون – 245 تگ/كگ ساتىلادى. «قۇرما» اگروفيرماسى» قۇس فابريكاسى دۇكەندەرگە ون دانا جۇمىرتقانى 480 تەڭگەدەن جەتكىزەدى.
كاسىپكەرلىك باسقارماسى كۇندەلىكتى نەگىزدە ءبىزدىڭ وبلىستا وندىرىلمەيتىن الەۋمەتتىك ماڭىزى بار ونىمدەردىڭ بولۋى مەن باعاسىنا مونيتورينگ جۇرگىزەدى. بۇل – 19 اتاۋدىڭ بەسەۋى – قانت, تۇز, قاراقۇمىق جارماسى, ۇنتاقتالعان كۇرىش, وسىمدىك مايى.
قالالار مەن اۋدانداردىڭ اكىمدىكتەرى ساۋدا ۇيىمدارىمەن الەۋمەتتىك ماڭىزى بار ازىق-ت ۇلىك ونىمدەرىنە ەڭ تومەنگى ساۋدا ۇستەمەسى – 5-10% بولاتىنى تۋرالى 2832 مەموراندۋمعا قول قويدى.
– 400-دەن اسا الەۋمەتتىك بۇرىشتار مەن سورەلەر قۇرىلدى, وندا بۇل ونىمدەر ەڭ تومەنگى باعامەن ۇسىنىلعان. 20-دان اسا الەۋمەتتىك پاۆيلوندار جۇمىسىن جالعاستىرىپ جاتىر. جىل باسىنان بەرى 50-دەن استام جاڭا ساۋدا نىساندارى ىسكە قوسىلدى, ولارمەن بىردەن ءامات-قا ەڭ تومەنگى ۇستەمەاقى تۋرالى مەموراندۋمدار جاسالادى, – دەدى ي.ليۋبارسكايا.