«اتىراۋ مۇناي وڭدەۋ زاۋىتى» جشس-ءنىڭ باسشىلىعىنا قاتىستى قىلمىستىق ءىستى تەرگەۋ باستالدى, دەپ حابارلايدى Egemen.kz.
قىلمىستىق ءىستى قارجىلىق مونيتورينگ اگەنتتىگى اتىراۋ وبلىستىق ەكونوميكالىق تەرگەپ-تەكسەرۋ دەپارتامەنتى وڭىرلىك پروكۋراتۋرانىڭ ۇيلەستىرۋىمەن تەرگەپ جاتىر.
«زاۋىت باسشىلىعىنا مەملەكەتكە اسا ءىرى كولەمدە زالال كەلتىرۋ تۇرىندەگى اۋىر زارداپقا اكەپ سوققان لاۋازىمدىق وكىلەتتىگىن تەرىس پايدالانۋ فاكتىسى بويىنشا ءىس قوزعالدى. قىلمىستىق-پروتسەستىك كودەكسىنىڭ 201-بابىنا سايكەس وزگە اقپارات جاريالانبايدى», دەپ حابارلادى اگەنتتىكتەن.