الماتىلىق پاترۋلدىك پوليتسيا قىزمەتكەرلەرى پيلوتتىق نۇسقادا كولىك اينەكتەرىنىڭ تونيروۆكاسىن ولشەۋگە ارنالعان كولىكتەردىڭ اينەكتەرىنىڭ تونيروۆكاسى ءۇشىن جارىق وتكىزگىشتىك ولشەگىشىن (جول قوزعالىسى قاۋىپسىزدىگىن تەحنيكالىق باقىلاۋ قۇرالى) ءىس جۇزىندە قولدانىپ ءجۇر, دەپ حابارلايدى Egemen.kz الماتى قالاسىنىڭ پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
جول قاۋىپسىزدىگىنە قاتىستى زاڭنامالىق تالاپتاردان ءسال عانا اۋىتقۋدىڭ سالدارى قايتىمسىز اپاتتارعا اكەپ سوقتىراتىنى, «جول قاتەلىكتى كەشىرمەيدى» اكسيوماسى اسىرەسە جول ەرەجەسىن ەلەمەيتىن ازاماتتار ءۇشىن وزەكتى ەكەنى ءمالىم.
«جول قوزعالىسىنا بەيقام قاتىسۋشىلاردى انىقتاۋ ماقساتىندا پوليتسەيلەر تۇراقتى تۇردە جەرگىلىكتى رەيدتەر جانە ماقساتتى ءىس-شارالاردى وتكىزەدى. جول قوزعالىسى ەرەجەلەرىن ورەسكەل بۇزۋ دەرەكتەرىنىڭ جولىن كەسۋگە, ونىڭ ىشىندە اينەكتەرىن قاراڭعىلاپ العان كولىكتەردى انىقتاۋعا ەرەكشە نازار اۋدارىلادى. ءتارتىپ بۇزۋشى دەرەۋ پلەنكانى الىپ تاستاۋعا مىندەتتەلىپ, وعان قاتىستى حاتتاما تولتىرىلادى», دەدى, جپقب مامانداندىرىلعان باتالونىنىڭ كومانديرى جانىبەك وسكەمباەۆ.