ءۇندىستان استاناسى نيۋ-دەليدە ءوتىپ جاتقان ۆەلوسپورتتان ازيا چەمپيوناتىنىڭ ەكىنشى كۇنىندە قازاقستاننىڭ ۆەلوشاباندوزدارى تاعى ءۇش مەدال جەڭىپ الدى, دەپ حابارلايدى Egemen.kz.
«ەرلەر اراسىندا «ەليتا» قاتارىندا راميس دىنمۇحامەتوۆ كوزگە ءتۇستى. ول توپتىق جارىستا توپ جارىپ, كوماندا قورجىنىنا قولا مەدال سالدى. جاسوسپىرىمدەر اراسىندا ەرداۋلەت ەگىزباي «سكرەتچ» بويىنشا ەڭ جوعارى مەدالدى جەڭىپ الدى جانە جاسوسپىرىمدەر اراسىندا ديانا كوسولاپوۆا كەيريننەن ءۇشىنشى ورىن الدى.
جالپى, قازىر كوماندا قورجىنىندا التى مەدال بار: ءبىر التىن, ءبىر كۇمىس جانە ءتورت قولا», دەپ حابارلادى قازاقستان ۆەلوسپورت فەدەراتسياسىنىڭ ءباسپاسوز قىزمەتى.
بۇعان دەيىن ۆەلوسپورتتان ازيا چەمپيوناتىنىڭ ءبىرىنشى كۇنىندە قازاقستان ءۇش مەدال جەڭىپ الدى.