الماتى تۇرعىندارىنا 23 اقپان كۇنى دابىل بەلگىسىنىڭ قوسىلاتىنى تۋرالى ەسكەرتىلدى, دەپ حابارلايدى Egemen.kz.
قالالىق توتەنشە جاعدايلار دەپارتامەنتىنىڭ باسشىسى نۇرلان اتىعاەۆ قالادا 23 اقپاندا سەيسميكالىق دايىندىق جۇرگىزىلەتىنىن ايتتى. ونىڭ اياسىندا ساعات 10:00-دە سيرەنالار قوسىلادى. تۇرعىندار كوشەگە جىلى كيىنىپ شىعۋى كەرەك, ويتكەنى بۇل كۇنى اۋا تەمپەراتۋراسى نولدەن تومەن بولادى.
«باستى ماقسات – قالا تۇرعىندارىنىڭ توتەنشە جاعدايلاردا ارەكەت ەتۋگە دايىندىق دەڭگەيىن ارتتىرۋ. ولار الدىن الا ەۆاكۋاتسيالاۋ جولدارىن, قاۋىپسىز جەرلەردى انىقتاپ, اپاتتىق سومكەلەردى دايىندايدى. قاۋىپسىز ورىندار - بۇل ەلەكتر جەلىلەرى مەن عيماراتتاردان الىس اشىق جەرلەر. بارلىق تۇرعىنداردى بەلسەندى قاتىسۋىن سۇرايمىز», دەدى اتىعاەۆ رسك-دا وتكەن بريفينگتە الماتىلىقتارعا.
ول قالادا جىل سايىن 200-گە دەيىن ءالسىز, بايقالمايتىن دۇمپۋلەردىڭ بولاتىنىن ەسكە سالدى.
«بىراق سەيسمولوگتاردىڭ ايتۋىنشا, قالادا ماگنيتۋداسى جەتى جانە ودان دا جوعارى جەر سىلكىنىسى كۇتىلمەيدى. سوندىقتان دايىندىقتىڭ جەر سىلكىنىسىن كۇتۋگە ەش قاتىسى جوق», دەدى ول.