ءباا-ءنىڭ دۋباي قالاسىندا تەننيسشىلەردىڭ تاعى ءبىر ءىرى دوداسى باستالدى. جۇلدە قورى 3 211 715 دوللاردى قۇراعان تۋرنيردە ەلەنا رىباكينا باق سىناپ جاتىر.
العاشقى اينالىمدا بوس بولعان وتانداسىمىز ەكىنشى كەزەڭدە ۆيكتوريا ازارەنكومەن شەبەرلىك بايقاستى. 34 جاستاعى بەلارۋستىڭ بەتكەۇستارى كەزىندە اۋستراليانىڭ اشىق بىرىنشىلىگىندە ەكى مارتە باس جۇلدەنى ولجالاپ, US open دوداسىندا ءۇش رەت فينالعا شىقتى. ۋيمبلدون مەن رولان گارروستىڭ جارتىلاي فينالىندا وينادى. توكيو وليمپياداسىنىڭ جەكەلەگەن سايىسىندا قولا السا, ميكستە التىننان القا تاقتى. ءداۋىرى ءجۇرىپ تۇرعان شاعىندا ازارەنكو الەمدىك رەيتينگتە كوش باستادى. قازىرگى كەزدە ول – WTA تىزىمىندە 27-ورىندا. بۇل باسەكە سوڭىنا دەيىن جەتپەدى. ەكىنشى سەتتەن كەيىن تارازى باسى تەڭسەلىپ تۇردى – 4:6, 6:2. بىراق ەسكى جاراقاتىنىڭ سىر بەرگەنىن جەلەۋ ەتكەن ۆيكتوريا ۇزىلىستەن كەيىن جارىستى ودان ءارى جالعاستىرۋدان باس تارتتى.
كەلەسى كەزەڭدە ەلەنا رىباكينا WTA رەيتينگىندە 53-ورىندا تۇرعان پولشا تەننيسشىسى ماگدالەنا فرەنحپەن كۇش سىناسادى.