قازاقستان تۇرعىندارى كەلەسى ايدان باستاپ تەراپەۆتىڭ جولداماسىنسىز دارىگەرلەرگە كورىنە الادى, دەپ حابارلايدى Egemen.kz.
دەنساۋلىق ساقتاۋ مينيسترلىگى مەديتسينالىق قىزمەت كورسەتۋ ستاندارتتارىنا وزگەرىستەر ەنگىزدى.
وزگەرىستەرگە سايكەس, ناۋرىز ايىنان باستاپ جوسپارلى ەمحاناعا جاتقىزۋ ءۇشىن تالداۋلار ءتىزىمىن 42 ساراپتاماعا قىسقارتۋ, سونداي-اق ولاردىڭ جارامدىلىق مەرزىمىن 10 كۇننەن 14 كۇنگە جانە 1 ايدان 3 ايعا دەيىن ۇزارتۋ جوسپارلانعان.
ءساۋىر ايىنان باستاپ مامانداندىرىلعان دارىگەرلەرمەن تىكەلەي بايلانىسۋ تاسىلدەرى جەتىلدىرىلەدى. پاتسيەنت كەلەسى جاعدايلاردا جالپى تاجىريبەلىك دارىگەردىڭ جولداماسىنسىز مامانداندىرىلعان دارىگەرگە تىكەلەي بارا الادى:
- توتەنشە جاعدايلار مەن جاراقاتتار, سونىڭ ىشىندە وفتالمولوگيالىق, وتورينولارينگولوگيالىق جانە باسقا دا جاراقاتتار;
- شۇعىل جانە جوسپارلى ستوماتولوگيالىق كومەك كورسەتۋ;
- دەرماتوۆەنەرولوگيالىق ءپروفيلدى اۋرۋلار;
- تىركەلگەن جەرى بويىنشا اكۋشەر-گينەكولوگ پەن پسيحولوگتىڭ قابىلداۋىنا جازىلۋ;
- ونكولوگ پەن ونكوگەماتولوگتىڭ قابىلداۋى;
- ديسپانسەرلىك ەسەپتە تۇرعان ناۋقاستار ءۇشىن كارديولوگ, ەندوكرينولوگ, وفتالمولوگ, نەۆروپاتولوگ, حيرۋرگتىڭ قابىلداۋىنا جازىلۋ;
- مامانداندىرىلعان ماماننىڭ تاعايىنداۋى بويىنشا قايتالانۋ;
- جاستار دەنساۋلىق ورتالىقتارىنداعى مامانداردىڭ قابىلداۋىنا;
- جىلجىمالى مەديتسينالىق كەشەندەردىڭ قىزمەتتەرىن جانە باسقا دا جىلجىمالى قىزمەتتەردى كورسەتۋ كەزىندە.
- ءساۋىر ايىنان باستاپ ديناميكالىق باقىلاۋ جۇرگىزۋ ءتارتىبى مەن جالپى تاجىريبەلىك دارىگەر مەن مامانداندىرىلعان دارىگەرلەردىڭ بىرلەسكەن جۇمىسىنىڭ الگوريتمى قايتا قارالادى, بۇل مۋلتيديستسيپلينارلىق كوزقاراستى قامتاماسىز ەتەدى. وسى جۇمىس اياسىندا ءاربىر ناۋقاس جەكە زەرتتەۋدىڭ جيىلىگى مەن كولەمى انىقتالادى, – دەپ جازدى مينيسترلىكتەن.