Nazarbayev University قامقورشىلىق كەڭەسىنىڭ وتىرىسى ءوتتى. وعان قامقورشىلىق كەڭەسىنىڭ توراعاسى – پرەزيدەنتتىڭ ەكونوميكالىق ماسەلەلەر جونىندەگى كومەكشىسى اسەت ەرعاليەۆ, عىلىم جانە جوعارى ءبىلىم ءمينيسترى ساياسات نۇربەك, تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين جانە ستراتەگيالىق جوسپارلاۋ جانە رەفورمالار اگەنتتىگىنىڭ توراعاسى جاندوس شايماردانوۆ قاتىستى.
وتىرىستا قاتىسۋشىلار ۋنيۆەرسيتەتتىڭ بولاشاق دامۋى مەن عىلىمي-زەرتتەۋ الەۋەتىن تالقىلاپ, بيىلعى بيۋدجەتتى بەكىتتى. سونداي-اق كەڭەس مۇشەلەرى قارجىلىق تۇراقتىلىقتى قامتاماسىز ەتۋ, عىلىم مەن ءوندىرىستى بىرىكتىرۋ بويىنشا ناقتى مىندەتتى بەلگىلەدى.
– Nazarbayev University – ەلىمىزدەگى عىلىم سالاسىندا جەتەكشى ءبىلىم ورداسى. ونىڭ زەرتتەۋ الەۋەتىن ودان ءارى دامىتۋىمىز قاجەت. بۇگىن ءبىز بۇعان كوز جەتكىزىپ وتىرمىز. الداعى تاڭدا ەلىمىزدەگى وڭىرلىك جوعارى وقۋ ورىندارى دا بىرتىندەپ عىلىمي-زەرتتەۋ ينستيتۋتتارىنىڭ ۇلگىسىنە كوشەدى دەپ ويلايمىن. ءبىز ۋنيۆەرسيتەت پەن ءوندىرىس اراسىنداعى ىنتىماقتاستىقتى كۇشەيتكىمىز كەلەدى, – دەدى ساياسات نۇربەك.
جيىن اياسىندا قامقورشىلىق كەڭەسىنىڭ مۇشەلەرى گەنومدىق مەديتسينا زەرتحاناسىنىڭ جۇمىسىمەن تانىسىپ, اقىلدى جۇيەلەر جانە جاساندى ينتەللەكت ينستيتۋتىنىڭ (ISSAI) ازىرلەمەسىن كورىپ, عالىمدارمەن كەزدەستى.
ۋنيۆەرسيتەت پرەزيدەنتىنىڭ مىندەتىن اتقارۋشى ديرەكتور ادەسيدا ءوز سوزىندە, الداعى تاڭدا عىلىمي-زەرتتەۋلەرگە باسا نازار اۋدارىپ, ەرەكشە كوڭىل بولەتىنىن ايتتى. ء«بىزدىڭ وقۋ ورنى جاس عالىمداردى, سونىڭ ىشىندە PhD دارەجەسىن شەتەلدە العان قازاقستاندىق زەرتتەۋشىلەردى تارتۋ ءۇشىن بارىنشا جاعداي جاساۋعا كۇش سالامىز», دەدى ول.
كەزدەسۋ سوڭىندا ۋنيۆەرسيتەت باسشىلىعى ءبىلىم بەرۋ رەسۋرستارىن دامىتۋدى, عىلىمي ازىرلەمەلەردى كوممەرتسيالاندىرۋ جانە ەل ەكونوميكاسىنا قوساتىن ۇلەسىن ارتتىرۋدا ونەركاسىپتىك سەكتورمەن سەرىكتەستىكتى نىعايتاتىنىن جەتكىزدى.
بەكزات قۇلشار,
ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتى