قانداي ستارتاپ قارجى الادى؟

بيىل AI, Game dev, Block­chain, Defence Tech, Space tech, Hardware جانە Smart city باعى­تىنداعى جوبالارعا باسىمدىق بەرىلدى. ىرىكتەۋدەن وتكەن ستار­تاپ ₸20 ميلليونعا دەيىن قار­جىعا قول جەتكىزەدى.

«بۇعان دەيىن Seed Money-گە قاتىسقان ستارتاپتاردىڭ 67 پايى­زىنىڭ تابىسى ارتىپ, قار­­قىن­دى دامىدى. مىسالى, باعدار­لاما تۇلەكتەرى اراسىندا «UvU», «beyne.ai», «Parqour» جانە تاعى باسقا كومپانيالار بار. قارجىلاندىرۋ «Astana Hub»-تىڭ جەكە قاراجاتى ەسە­بى­نەن Revenue Share مودەلى ار­قى­لى جۇزەگە اسىپ, ياعني 5 جىل ىشىن­دە بارلىق قاراجات جۇم­سال­عان­نان كەيىن 1 پايىز تولەم جاسا­لۋعا ءتيىس», – دەدى «Astana Hub» باس ديرەكتورى ماعجان ماديەۆ.

قارجىلاندىرۋمەن قاتار Seed Money قاتىسۋشىلارىنا كوۆوركينگ كەڭىستىگىندە جۇ­مىس ورنى جانە «Astana Hub» ين­فراقۇرىلىمىنا قولجەتىم­دىلىك (باسقا وڭىرلەردەن كەل­گەن ستارتاپتارى ءۇشىن), ساراپ­شى­لىق كەڭەستەر مەن سالا مامان­دارىنىڭ كەرى بايلانىسى, B2B/B2G كەزدەسۋلەرىنە ات سالىسۋ, ينۆەستورلارمەن جانە بيزنەس-دەمەۋشىمەن نەتۆوركينگ ۇسىنىلادى.

باعدارلاماعا قاتىسۋ ءۇشىن ستار­تاپ مىناداي دامۋ كەزەڭى­نىڭ بىرىنە ساي بولۋى شارت: MVP – مينيمالدى, بىراق ءبى­رىنشى تۇتىنۋشىلاردى قانا­عات­­تاندىرۋعا جەتكىلىكتى فۋنك­تسيا­لارى بار; PMF – نارىق­­ت­ىڭ ناق­تى قاجەتتىلىگىن قاناعاتتان­دىراتىن جانە تۇتىنۋشىلار ءۇشىن قۇندىلىعى بار; SCALE – جاڭا نارىققا شىعۋعا تۇتى­نۋشىلار سەگمەنتتەرىن نەمەسە باسقا ارەكەتتەردى كەڭەيتۋ ار­قىلى ساتۋ كولەمىن كەڭەيتۋ كەزەڭى.

«باعدارلاماعا قاتىسۋعا جو­با جەتەكشىسىن قوسقاندا, كەمىندە ءۇش نەگىزگى قاتىسۋشىدان تۇرا­تىن كوماندا بولۋى كەرەك. جو­با جەتەكشىسى ماكسيمالدى تيىم­دىلىكتى جانە ۇدەرىستەردى باقى­لاۋدى قامتاماسىز ەتۋ ءۇشىن باسقا جوبامەن اينالىس­پاۋعا ءتيىس. سونداي-اق قار­جى­لان­­دىرۋعا ءوتىنىم بەرۋ جانە سەرىكتەستەرمەن, كليەنتتەرمەن, ينۆەستورلارمەن جۇمىس ىستەۋگە زاڭدى نەگىزدى قامتاماسىز ەتۋ قاجەت بولعاندىقتان, ۇمىتكەردىڭ زاڭدى تۇلعاسى بولۋى كەرەك. بۇل تالاپتىڭ بارلىعى جوبا­نىڭ تۇراقتى جانە تابىستى بولۋىن قامتاماسىز ەتۋگە, سون­داي-اق ونىڭ ۇزاقمەرزىمدى دا­مۋىنا قولايلى جاعداي جا­ساۋ­عا باعىتتالعان», – دەدى «Astana Hub» قارجىلاندىرۋ باعدار­لامالارى ءوفيسىنىڭ ديرەكتورى اناربەك وتەعۇلوۆ.

2021 جىلى ىسكە قوسىلعان Seed Money باعدارلاماسى اياسىندا دامۋدىڭ ءارتۇرلى كەزەڭىن­دەگى 45 جوبا 24 ميل­ليون تەڭگەگە دەيىن قارجى­لان­دى­رىلدى. قا­زىرگى تاڭدا Seed Money 3.0 ناتي­جەسى بو­يىنشا ىرىكتەلگەن 11 ستار­تاپ «Astana Hub»-تىڭ قار­جى­لاندىرۋ كەلىسىمى اياسىندا جوبالارىن جۇزەگە اسىرۋعا كىرىستى.

ايتپاقشى, Seed Money باعدارلاماسىنا قوسىمشا كەڭەس­­تى پلاتفورما نەمەسە 2222 قىس­قا ءنومىرى بويىنشا «Astana Hub» قولداۋ قىزمەتى ارقىلى الۋعا بولادى.

اقسۇڭقار حاباسقىزى,

ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتى