ۇلىبريتانيا ەلشىلىگىنىڭ قىزمەتكەرلەرى 5-ءشى دۇنيەجۇزىلىك كوشپەلىلەر ويىندارىن دايىنداۋ جانە وتكىزۋ جونىندەگى ديرەكتسيا باسشىلىعىمەن كەزدەستى, دەپ حابارلايدى Egemen.kz.
«ارعىماق» ات-سپورتتىق ساۋىقتىرۋ كەشەنىنىڭ ءباسپاسوز قىزمەتى ءمالىم ەتكەندەي, ديرەكتسيا كەڭسەسىندەگى اتالعان كەزدەسۋ بارىسىندا بريتاندىق سپورتشىلاردىڭ 5-ءشى دكو-عا قاتىسۋى توڭىرەگىندەگى سۇراقتار تالقىلاندى.
ايتا كەتسەك, بۇعان دەيىن بريتاندىق وۆاري فەدەراتسياسى وۆاري ۇلتتىق قۇراماسىنىڭ ويىندارعا قاتىساتىنىن رەسمي تۇردە راستاعان ەدى. سونداي-اق ۇلىبريتانيا ەلشىلىگى وكىلدەرىنە سپورتتىڭ بىرنەشە تۇرىنەن, كۇرەستىڭ بەس تۇرىنەن, Powerful Nomads جانە ارقان تارتىس ءتارىزدى سپورت تۇرلەرىنەن قاتىسۋ مۇمكىندىگىن قاراستىرۋ ۇسىنىلدى. سونىمەن قاتار بريتاندىق تاراپ كورنەكى سپورت تۇرلەرىنىڭ تىزىمىنە كريكەتتى ەنگىزۋگە, سونداي-اق «سپورت عىلىمى» سەكتسياسىندا بريتاندىق سپيكەرلەردىڭ عىلىمي باعدارلاماعا قاتىسۋىنا ءوتىنىم بەردى.