مايقايىڭ فابريكاسىنىڭ توقتاۋىنا نە سەبەپ؟

بۇگىندە «مايقايىڭالتىن» اق-دا شتاتتاعى قىزمەتكەرلەر سانى 933 ادام­دى قۇراپ وتىر. ونىڭ ىشىندە 143 ادام – جىل سايىنعى ەڭبەك دەمالىسىندا, 30 قىزمەتكەر – بالا كۇتىمىنە, 42 قىزمەتكەر – ۋاقىتشا ەڭبەككە جارام­سىزدىعىنا بايلانىستى دەمالىستا. تاعى 5 ەر ازامات  قارۋلى كۇشتەر قاتارىندا اسكەري بورىشىن وتەپ ءجۇر.

كەنىشتەگى اپات پەن ونىڭ ماڭىنداعى ۇيلەردىڭ ماسەلەسىن پروكۋراتۋرا قۇرعان تەرگەۋ توبى زەردەلەپ جاتقانىنا بايلانىستى شاحتاداعى كەن قازۋ جۇمىستارى 4 قاڭتاردان بەرى قاڭتارۋلى. قازىر جالا­قىسىنىڭ 50 پايىزى تولەنە وتىرىپ 153 قىزمەتكەردىڭ جۇمىسى توقتاپ تۇر. ولار – شاحتانىڭ 109 قىزمەتكەرى جانە تاۋ-كەن تەحنيكاسى ۋچاسكەسىندە جۇمىس ىستەيتىن 44 ادام.

ەندى وسى اپتانىڭ ورتاسىنان, ياعني 22-23 اقپاننان باستاپ التىن كەنىشىنە قاراستى كەن بايىتۋ فابريكاسىنىڭ دا جۇمىسى ۋاقىتشا توقتايدى. بۇل تۋرالى پاۆلودار وبلىسى ەڭبەك باسقارماسى باسشىسىنىڭ مىندەتىن اتقارۋشى ابى­لاي سابىروۆ حابارلادى.

– «مايقايىڭالتىن» اق جۇمىس بەرۋشىسىنىڭ اۋىزشا تۇسىندىرمەسىنە ساي­كەس قازىرگى ۋاقىتتا كاسىپورىن فابريكا جۇمىسىن توقتاتۋعا دايىندىق جۇرگىزىپ جاتىر. شامامەن بيىل 22-23 اقپانىنان باستاپ توقتا­تىلادى دەپ جوس­پارلانىپ وتىر. بۇل رەتتە كاسىپورىن قىزمەتكەرلەرىنە جالاقى­سىنىڭ 50 پايىزى تولەنەتىن بولادى. جۇمىسى ۋاقىتشا توقتاتىلاتىن قىز­مەت­كەرلەردىڭ سانى تۋرالى اقپاراتتى كاسىپ­ورىن پى­سىقتاۋ ۇستىندە. ناقتى سانىن «ماي­قايىڭ­التىن» اق باسشىلىعى وسى اپ­تانىڭ سوڭىنا دەيىن حابارلاۋى كەرەك. جۇمىس بەرۋشىنىڭ اقپاراتى بويىنشا قىزمەتكەرلەردى تولىق جۇمىستان بوساتۋ ماسەلەسى قاراستىرىلماعان. فا­بريكا بيىل 1 ساۋىردەن باس­تاپ قايتادان ىسكە قوسىلادى, – دەيدى ابىلاي اقان ۇلى.

بەلگىلى بولعانداي, فابريكا 4 قاڭ­تاردا شاحتا جۇمىسىن توقتاتقانىنا باي­لانىستى وسى ۋاقىتقا دەيىن قالدىق قويماداعى شيكىزاتتى پايدالانىپ كەلگەن. كەنىشتەگى اپاتتىڭ سەبەپ-سالدارى تولىق زەردەلەنىپ بىتكەنشە شاحتا جابىق بولادى. سوعان سايكەس فابريكا دا ءوز جۇ­مىسىن جالعاستىرا الماي وتىر.

بۇعان دەيىن مايقايىڭ كەنىشىنىڭ «شانحاي» اۋدانىندا تۇراتىن حالىق ءار كۇنىن ۇرەيمەن وتكىزىپ كەلە جاتقانى تۋرالى جازعان ەدىك. التىن كەنىشى بۇل جەردەن 300-400 مەتردەي جەردە ورنالاسقان. كەنىشتە جەر جارۋ جۇمىستارى جۇرگى­زىلگەندە, ءۇيىمىز جەر استىنا وپىرىلىپ ءتۇسىپ كەتىپ, بالا-شاعامىزبەن وپات بولامىز با دەگەن قورقىنىش بار جۇرت­­تىڭ بويىندا. پارلامەنت ماجىلى­سىندەگى «Amanat», «اۋىل», «اق جول» جانە «Respublica» پارتيالارىنىڭ ماي­قايىڭ كەنتىندەگى ماسەلە بويىنشا جولداعان دەپۋتاتتىق ساۋالدارىنا باس پروكۋرور بەرىك اسىلوۆ جاۋاپ بەردى. بۇل تۋرالى ءماجىلىس دەپۋتاتى جارقىنبەك امانتاي حابارلادى.

باس پروكۋروردىڭ مالىمدەۋىنشە, پروكۋراتۋرا ورگاندارىنىڭ ۇيلەستىرۋىمەن ۆەدومستۆوارالىق جەدەل-تەرگەۋ توبى (پو­ليتسيا دەپارتامەنتى, سىبايلاس جەم­قور­لىققا قارسى قىزمەت, ەكونومي­كالىق تەرگەپ-تەكسەرۋ دەپارتامەنتى) قۇرىلىپ, 4 پروتسەستىك پروكۋرور تاعايىندالدى.

«تەرگەپ-تەكسەرۋ بارىسىندا «قارا­عاندىگيپروشاحت» جشس-مەن تاۋ-كەن-قۇرىلىس جۇمىستارى سالاسىن­داعى مامان تارتىلدى (كەنىشتىڭ قۇلاۋ سە­بەپتەرى تۋرالى قورىتىندى بەرۋ جəنە شاحتادا جۇمىس جۇرگىزۋ كەزىندەگى زاڭ بۇزۋشىلىقتاردى انىقتاۋ ءۇشىن). سون­داي-اق ۋəكىلەتتى مەملەكەتتىك ورگان­داردىڭ (مەملەكەتتىك كىرىستەر دەپار­تا­­مەنتى, ونەركəسىپتىك قاۋىپسىزدىك دە­پار­تامەنتى, «تسەنتركازنەدرا» رمم, ەكولو­گيا دەپارتامەنتى, سانيتا­ر­لىق-ەپيدەميولوگيالىق باقىلاۋ دە­پار­تامەنتى) ماماندارى جۇمىلدىرىلدى. قىل­مىستىق ءىس بويىنشا بىرقاتار تەرگەۋ əرە­كەتتەرى ء(تىنتۋ, الۋ, ساراپتاما, جاۋا­پ الۋ جəنە ت.ب.) جۇرگىزىلىپ جاتىر, ولاردىڭ قورى­­تىندىسى بويىنشا كəسىپورىننىڭ جاۋاپتى تۇلعالارىنىڭ, سونداي-اق ۋə­كىلەتتى مەملەكەتتىك ورگانداردىڭ لاۋا­زىمدى ادامدارىنىڭ əرەكەتتەرى مەن əرە­كەتسىزدىگىنە قۇقىقتىق باعا بەرى­لەتىن بولادى. تەرگەۋ جالعاسىپ جاتىر», دەپ جازىلعان جاۋاپتا.

سونىمەن قاتار وسى وقيعا بويىنشا ەڭبەك جəنە حالىقتى əلەۋمەتتىك قور­عاۋ مينيسترلىگىنىڭ ەڭبەك جəنە əلەۋ­مەتتىك قورعاۋ كوميتەتى قۇرعان كوميس­سيا جۇمىس جۇرگىزىپ جاتقانى ايتىل­عان. ونىڭ قۇرامىنا «اۆاريالىق-قۇت­قارۋ قىزمەتتەرى قىزمەتكەرلەرىنىڭ جەر­گى­لىكتى كəسىپتىك وداعى» قب وكىلى ەنگەن. قو­­رىتىندىسى ءىس ماتەريالدارىنا قوسا تىركەلدى.

ءوز كەزەگىندە, پاۆلودار وبلىسى əكىم­دىگى جانىنداعى وڭىرلىك جەدەل شتاب (قۇرامىنا وبلىستىڭ قۇقىق قورعاۋ, ار­ناۋلى جəنە وزگە دە مەملەكەتتىك ورگان­دارى كىرەدى) مايقايىڭ كەنتىنىڭ تۇر­­عىندارىنا كəسىپورىن ءوندىرىسىنىڭ əسەرىنەن تۋىنداۋى مۇمكىن تəۋەكەلدەردى زەردەلەپ جاتىر. كəسىپورىننىڭ ونەر­كəسىپتىك الاڭى 10 مىڭعا جۋىق تۇرعىنى بار مايقايىڭ كەنتىنىڭ جانىندا ور­نالاسقانى انىقتالدى. سانيتارلىق-قورعاۋ ايماعىنىڭ شەكاراسى 500 مەتر, اۋدانى 17 گەكتاردان استام, پاۆلودار وبلىسى əكىمدىگىنىڭ 12.02.2013 جىلعى №39/2 قاۋلىسىمەن ايقىندالعان. اي­ماققا 206 جەر ۋچاسكەسى كىرەدى, ونىڭ ىشىندە 311 ادام تۇراتىن باسپانا عي­ما­راتتارى ورنالاسقان 103 ۋچاسكە بار.

«پروكۋراتۋرا ورگاندارى اتالعان ۋچاس­­كەلەر بويىنشا جەرگىلىكتى اتقارۋشى ورگان­نىڭ ءəربىر اكتىسىنىڭ زاڭدىلىعىن زەردەلەپ جاتىر. انىقتاما رەتىندە بار­لىق ارحيۆ­تىك ماتەريالدار, ونىڭ ىشىن­دە جەر-كا­داسترلىق ىستەر تالاپ ەتىل­دى, ويت­كەنى كوپ­تەگەن قۇرىلىمدار جىل­جى­ماي­­تىن م ۇلىكتى زاڭداستىرۋ بويىن­شا زاڭداستىرىلعان, ياعني قۇقىقتارى ساني­تاريا­­لىق-قورعاۋ ايماعى بەلگىلەن­گەنگە دەيىن ايقىندالعان», دەپ جازىلعان جاۋاپتا.

قىلمىستىق ءىستى تەرگەپ-تەكسەرۋ بارىسى جəنە تەكسەرۋ شارالارى باقىلاۋدا. قازىر مايقايىڭ كەنىشى اۋماعىنداعى ىزدەستىرۋ جۇمىستارى جالعاسىپ جاتىر. ازىرشە ويىق تۇبىنە تەحنيكا وزدىگىنەن ءجۇ­رىپ باراتىنداي قاۋىپسىز جول سالىنىپ جاتىر. بۇل ىسكە «مايقايىڭالتىن» اق جاۋاپتاندى.

پاۆلودار وبلىسى,

باياناۋىل اۋدانى,

مايقايىڭ كەنتى