كاير قالاسىندا 18 جاسقا دەيىنگىلەر اراسىندا ITF Juniors J300 ءتۋرنيرى مارەسىنە جەتتى, دەپ حابارلايدى Egemen.kz قازاقستان تەننيس فەدەراتسياسىنا سىلتەمە جاساپ.
جاسوسپىرىمدەر اراسىندا الەمدىك رەيتينگىدە 105-ورىندا تۇرعان قازاقستان سپورتشىسى سونيا جيەنباەۆا تابىستى ونەر كورسەتىپ, جەكەلەي جانە جۇپتىق سىندا فينالعا دەيىن جەتتى.
جيەنباەۆا جەكەلەي سىندا سوڭعى باسەكەدە عانا پولشا وكىلى مونيكا ستانكەۆيچكە (27 ITF Juniors) 4:6, 6:1, 4:6 ەسەبىمەن ەسە جىبەردى. ال جۇپتىق سىندا تاعى ءبىر وتانداسىمىز اسىلجان ارىستانبەكوۆامەن بىرگە فينالدا رەسەيلىكتەر داريا ەگوروۆا – يۋليا پەرەپاحيناعا جول بەردى – 3:6, 1:6.
سونيا مەن اسىلجان مىسىردا قالادى. ولار وسى اپتادا ءبىرىنشى ساناتتاعى J500 جارىسىندا باق سىنايدى.