ۇقك پروكۋراتۋرا ورگاندارىنىڭ ۇيلەستىرۋىمەن 15 اقپاندا الەۋمەتتىك جەلىدە تەرروريزمدى ناسيحاتتادى دەگەن كۇدىكپەن اتىراۋدىڭ 17 جاستاعى تۇرعىنى ۇستالدى, دەپ جازادى Egemen.kz.
كۇدىكتىنىڭ ءۇيىن ءتىنتۋ كەزىندە تەرگەۋ نەگىزىنە ساي كەلەتىن ماتەريالدار تابىلدى.
ۇستالعان اتىراۋلىق ازامات وتكەن جىلى ۇقساس قىلمىسى ءۇشىن 2 جىلعا باس بوستاندىعىنان شەكتەلگەن. قابىلدانعان پروتسەستىك جانە پروفيلاكتيكالىق شارالارعا قاراماستان, ول قۇقىققا قارسى ارەكەتتەرىن جالعاستىرىپ كەلگەن.
قازىرگى ۋاقىتتا قىلمىستىق كودەكستىڭ 256-بابى 1-ءبولىمى بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر.
ۇقك تەرروريستىك قىلمىستار ءۇشىن جاۋاپكەرشىلىك 14 جاستان باستالاتىنىن ەسكەرتتى.