سەناتتىڭ كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ دەپۋتاتتارى كەڭەيتىلگەن وتىرىستا قازاقستان رەسپۋبليكاسى مەن ليتۆا رەسپۋبليكاسى اراسىنداعى ىنتىماقتاستىق تۋرالى زاڭدى تالقىلادى.
زاڭنىڭ ماقساتى – ەكى ەلدىڭ ازاماتتىق, وتباسىلىق جانە قىلمىستىق ىستەر بويىنشا قۇقىقتىق كومەك جانە قۇقىقتىق قاتىناستار تۋرالى شارتىنىڭ ەرەجەلەرىن جەتىلدىرۋ. سەناتورلاردىڭ ايتۋىنشا, زاڭ قابىلدانعاندا الەۋمەتتىك-ەكونوميكالىق جانە قۇقىقتىق تەرىس سالدارى بولمايدى, سونداي-اق رەسپۋبليكالىق بيۋدجەتتەن قوسىمشا قارجى ءبولۋدى تالاپ ەتپەيدى.
دەپۋتاتتار كەڭەيتىلگەن وتىرىستىڭ قورىتىندىسى بويىنشا «1994 جىلعى 9 تامىزداعى قازاقستان رەسپۋبليكاسى مەن ليتۆا رەسپۋبليكاسىنىڭ اراسىنداعى ازاماتتىق, وتباسىلىق جانە قىلمىستىق ىستەر بويىنشا قۇقىقتىق كومەك جانە قۇقىقتىق قاتىناستار تۋرالى شارتقا وزگەرىس ەنگىزۋ تۋرالى حاتتامانى راتيفيكاتسيالاۋ تۋرالى» زاڭدى پالاتانىڭ قاراۋىنا جىبەرۋ تۋرالى شەشىم قابىلدادى.