جايىلىمدى جوسىقسىز يەمدەنۋ جويىلادى

ءبىرىنشى, ەندى شالعايداعى مال شارۋاشىلىعى جايىلىمدارىن 5 جىل مەرزىمگە تەگىن يەمدەنۋگە ەشكىم مۇم­كىندىك بەرمەيدى. سەناتورلار ىقتي­مال سىبايلاس جەمقورلىقتىڭ وسى نور­ماسىن قولدانىستاعى زاڭنامادان الىپ تاستادى, سوندىقتان بۇل ولقىلىقتى كونكۋرستان تىس ەشكىم پايدالانا المايدى. ءسويتىپ, بۇل جەرلەردى وزگە اۋىل تۇرعىندارى قوعامدىق قاجەتتىلىككە پايدالانۋ مۇمكىندىگىنەن ايىرىلادى.

ەكىنشى, جايىلىمعا يەلىك ەتەتىندەر بۇل جەرلەردى كەم دەگەندە 50 پايىزعا پايدالانۋى كەرەك, ال بۇرىن 20 پايىز جەتكىلىكتى بولاتىن. ەگەر پايدالانعان جەرلەردە مال از بولسا, مەملەكەت ول جايىلىمدى جەر القابى جەتىسپەيتىن باسقا فەرمەرگە بەرە الادى.

ءۇشىنشى, حالىقتىڭ مۇقتاجىنا ارنال­عان جايىلىمداردى اۋىل شارۋا­شى­لىعى ماقساتىنداعى القاپتاردىڭ باسقا تۇرىنە اۋىستىرۋعا تىيىم سالىنادى.

ءتورتىنشى, ەندى ورمان شارۋاشىلىق­تارى اكىمدىكتەرگە جىل سايىن ادامدارعا ءشوپ شابۋعا جانە مال جايۋعا رۇقسات ەتىلگەن مەملەكەتتىك قور ۋچاسكەلەرى تۋرالى اقپارات بەرىپ وتىرۋعا ءتيىس. بۇل ورمان قورى جەرلەرىندە ورنالاسقان جايىلىمداردى ۇتىمدى پايدالانۋعا مۇمكىندىك بەرەدى.

بەسىنشى, «قوعامدىق جايىلىمدار» ۇعىمى ەنگىزىلەدى. بۇل ەلدى مەكەننىڭ اينالاسىنداعى اۋىل تۇرعىندارىنىڭ مال جايۋىنا ارنالعان جەرلەردىڭ مارتەبەسىن ناقتىلاۋ ءۇشىن ماڭىزدى.

«كەيىنگى جىلدارى اۋىل تۇرعىندارى اراسىندا جايىلىمدىق جەرلەر ماسەلەسى ءجيى كوتەرىلىپ ءجۇر. وسى وزەكتى پروبلەمالاردى نازارعا الىپ, سەناتورلارىمىز بىرقاتار زاڭنامالىق وزگەرىستەرگە باس­تاماشىلىق جاسادى. اتاپ ايتقان­دا, جا­يى­لىمداردىڭ حالىققا قولجەتىم­دىلى­گىن قامتاماسىز ەتۋگە جانە ونى ۇتىم­­دى پايدالانۋعا ارنالعان جاڭا ەرە­­جە­­لەر توپتاماسى ماقۇلدانىپ وتىر. سون­داي-اق جەر­دىڭ قۇنارلىعىن ساقتاۋ­دى كوزدەيتىن تىڭ تۇزەتۋلەر ەنگى­زىلدى. قارال­­عان زاڭ جايى­لىمداردى باس­قارۋ, پا­ي­­­دالانۋ سالا­سىن­داعى مەملە­كەتتىك سايا­سات­تى جەتىل­دىرۋگە جانە ەلىمىزدە اۋىل شا­رۋا­شى­لى­عىن دامىتۋعا ءوز ۇلە­سىن قوسادى دەپ سە­نەمىز», دەدى بۇل جونىندە ماۋلەن اشىمباەۆ.