اۋپىرىمدەپ جەڭدى

ۆلاديۆوستوكتاعى «فەتيسوۆ ارەنادا» «ادميرالعا» قارسى وتكەن العاشقى ماتچتىڭ ەكىنشى كەزەڭدە استانالىقتار العا شىقتى. بىراق بۇل باسىمدىقتى ءبىز ساقتاپ قالا المادىق. سوڭعى كەزەڭدە قارسىلاستارىمىز جەڭىستى ۋىسىمىزدان ج ۇلىپ اكەتتى – 4:2. وسىلايشا, «بارىس» قاتارىنان 11 مارتە جەڭىلدى. كەلەسى كۇنى قوس اۋتسايدەر قايتا كۇش سىناستى. العاشقى ەكى كەزەڭدە جەرلەستەرىمىز جاقسى ويىن ورنەگىن كورسەتتى. 14-مينۋتتا ەۆگەني رىمارەۆ جانە 19-مينۋتتا ەنتوني كامارا قىراعىلىق تانىتىپ, ەكى شايبانى قاقپاعا توعىتتى – 0:2. ۇزىلىستەن كەيىن رى­مارەۆ دۋبل اۆتورى اتاندى – 0:3. ءۇشىنشى كەزەڭدە جەرگىلىكتى ويىنشىلار ەكى رەت نىسانانى ءدال كوزدەدى – 2:3. بىراق ودان ارىگە «ادميرالدىڭ» ءالى جەتپەدى. بۇل ەسەپ باسەكەنىڭ سوڭىنا دەيىن ساقتالدى.

ءسويتىپ, قاتارىنان 11 كەزدەسۋدە جەڭىلىستەن باس كوتەرمەگەن «بارىستىڭ» بۇل جولى باعى جاندى. الايدا بۇل جەڭىس جارىس كەستەسىنە ايتارلىقتاي اسەر ەتە قويعان جوق. ەلوردالىق كلۋب – ءالى دە كحل-دىڭ تۇراقتى بىرىنشىلىگىنىڭ جارىس كەستەسىندە سوڭعى ءۇش ورىندى قاناعات تۇتقان كوماندالاردىڭ قاتارىندا. كەلەسى ماتچىن «بارىس» 16 اقپاندا تۇزدە حا­با­روۆسكىنىڭ «امۋرىنا» قارسى وتكىزەدى.