سەنات دەپۋتاتى دارحان قىدىرالى ەلىمىزدەگى تاريحي-مادەني مۇرالاردى ساقتاۋ, قورعاۋدى جۇزەگە اسىراتىن زاڭ قاۋقارسىز ەكەنىن ايتىپ, دەپۋتاتتىق ساۋال جولدادى. ول قاۋقارسىز قۇجات سالدارىنان قۇندىلىقتارىمىزدى قورعاۋ قيىن بولىپ تۇرعانىن ايتتى, دەپ جازادى Egemen.kz.
دەپۋتات عاسىرلاردان مۇرا بولىپ جەتكەن تاريحي-مادەني ورىنداردى بۇزاقىلار ۆانداليزم ارقىلى ءبۇلدىرىپ جاتقانىن جەتكىزدى.
«قازاقستانداعى 25 مىڭ ەسكەرتكىشتىڭ جارتىسىنا جۋىعى ورنالاسقان ماڭعىستاۋ وڭىرىندە مۇرالاردىڭ كوبى تاريحي-مادەني ەسكەرتكىشتەر تىزىمىنە ەنگىزىلگەنىمەن, ولاردى قاراۋعا مامان جەتىسپەيدى. مادەني قاباتتاردى «قارا ارحەولوگتار» مەن بۇزاقىلار ءتۇرلى ۆانداليزم ارقىلى ءبۇلدىرىپ جاتىر. جەتى جۇرت كوشكەن ماڭعاز مەكەندەگى قورىمداردىڭ قورشاۋ اۋماعىنا زاڭسىز قۇرىلىستار, بەيىتتەر سالىنىپ كەتكەن. ولارعا قارسى قولدانىستاعى «تاريحي مادەني مۇرانى قورعاۋ جانە پايدالانۋ» زاڭى قاۋقارسىز. ايىپپ ۇلى نەبارى 30 مىڭ تەڭگە عانا! ۇلىتاۋدا جوشى كەسەنەسىنىڭ جانىنا الدەبىر قالتالى جاقىنىن جەرلەپ كەتكەن, ەندى نىساندى يۋنەسكو تىزىمىنە ەنگىزۋ مۇمكىن بولماي تۇر», دەدى سەنات دەپۋتاتى.
ۇلتىمىزدىڭ ۇرانىنا اينالعان رۋحاني ەسكەرتكىشتەر جەكەنىڭ مەنشىگىندە ەلەۋسىز بولىپ, باقسى-بالگەرلەردىڭ ورتاسىنا اينالىپ جاتىر. وسى ماسەلەگە ءمان بەرۋدى ۇسىنعان دارحان قىدىرالى تاريحي كەشەندەردى ۇلتتىق برەند رەتىندە يۋنەسكو-عا ۇسىنۋ ءىسىن جۇيەلەپ, جەدەلدەتۋ قاجەت ەكەنىنىنە نازار اۋداردى.
«كيەلى جەرلەر شىراقشىلاردىڭ كۇن كورىس كوزىنە, باقسى-بالگەرلەردىڭ ورداسىنا اينالعان. ولاردىڭ كەيبىرى تاريحي ورىندى ساقتاپ وتىرعانىمەن, ارنايى ءبىلىم, ەرەجە-قاعيداتتارى مەن ستاندارتى جوق. ءتىپتى ۇلتقا ۇران بولعان بەكەت اتا – جەكەنىڭ مەنشىگىندە! پىر بەكەت – ءبىر قازاقتىڭ ايبارى ەمەس, ول – بار قازاقتىڭ بايراعى! حالىقتىڭ رۋحاني قالپىن قالىپتاستىرعان مۇنداي تۇلعالار مەكەنى قۇندىلىق رەتىندە مەملەكەت قاراۋىندا بولۋى ءتيىس», دەدى ول.
دەپۋتات مادەني مۇرا اينالاسىنداعى كۇرمەۋلى ماسەلەنى شەشۋدىڭ بەس تەتىگىن اتادى.