اتىراۋ وبلىسىندا جۇك پويىزىنىڭ 7 ۆاگونى تەمىرجولدان جارتىلاي شىعىپ كەتتى. ۆاگوندارعا «تەڭىز» كەن ورنىنان الىنعان كۇكىرت تيەلگەن.
اتىراۋ وبلىستىق توتەنشە جاعدايلار دەپارتامەنتى قوعاممەن بايلانىس توبىنىڭ اقپاراتىنا سۇيەنسەك, وقيعا بۇگىن, 14 اقپاندا تىركەلگەن
«بۇگىن, 14 اقپاندا جەرگىلىكتى ۋاقىتپەن ساعات 03:25-تە جىلىوي اۋدانى, قۇلسارى تەمىرجول ستانساسىنا قاراستى №11-تەمىرجولدا جۇك پويىزىنىڭ ۆاگوندارى رەلستەن جارتىلاي شىعىپ كەتكەنى تىركەلدى. جۇك ۆاگوندارىن الىپ كەلە جاتقان تەپولۆوزدىڭ «تەڭىزشەۆرويل» جشس-عا تيەسىلى ەكەنى انىقتالدى. جۇك پويىزىنىڭ قۇرامىندا 62 ۆاگون بولعان. كۇكىرت تيەلگەن ۆاگونداردىڭ 7-ەۋى رەلستەن جارتىلاي شىعىپ كەتتى». دەپ حابارلادى دەپارتامەنتتىڭ قوعاممەن بايلانىس توبى.
ۆاگونداردان كۇكىرت توگىلمەگەن. ەشكىم زارداپ شەكپەگەن.
جوندەۋ-قالپىنا كەلتىرۋ جۇمىستارىن جۇرگىزۋ ءۇشىن ماقات اۋدانىنان ارنايى پويىز جولعا شىقتى.