تۇرىكمەنستاننىڭ ساۋدا-ونەركاسىپ پالاتاسىندا حالىقارالىق عىلىمي-تاجىريبەلىك كونفەرەنتسيا ۇيىمداستىرىلىپ, كوپسالالى كورمەننىڭ سالتاناتتى اشىلۋ ءراسىمى ءوتتى.
فورۋمعا جەرگىلىكتى ءماجىلىس توراعاسى, حالىق ءماسليحاتىنىڭ جەتەكشىسى, ۇكىمەت مۇشەلەرى, اسكەري جانە قۇقىق قورعاۋ ورگاندارىنىڭ باسشىلارى, قوعامدىق ۇيىمدار وكىلدەرى, ستۋدەنت جاستار قاتىستى.
حالىقارالىق كونفەرەنتسياعا ازەربايجان, يتاليا, قازاقستان, قىتاي, رەسەي, تاجىكستان, تۇركيا, وزبەكستان, ەلىنەن كەلگەن دەلەگاتسيا ء ھام ەقىۇ, يسلام ىنتىماقتاستىعى ۇيىمى, سونداي-اق حالىقارالىق كۇرەس قاۋىمداستىعى مەن حالىقارالىق شاحمات فەدەراتسياسىنىڭ وكىلدەرى قاتىستى.
عىلىمي-تاجىريبەلىك كونفەرەنتسيا اياسىندا «ارقاداع» فۋتبول كلۋبىنىڭ ۇجىمىنا تۇركمەنستان پرەزيدەنتىنىڭ اتىنان اۆتوبۋس سىيعا بەرىلدى. 2023 جىلعى ماۋسىمدا «ارقاداع» فۋتبول كلۋبى 22 رەسمي ماتچقا قاتىسىپ, بارلىعىندا جەڭىسكە جەتتى.
وسى جىلدىڭ قاراشا ايىندا تۇركمەنستاننىڭ اشحاباد قالاسىندا كۋراشتان الەم چەمپيوناتى وتكەن بولاتىن. ەرلەر جەتى سالماقتا, ايەلدەر سەگىز سالماق دارەجەسىندە سىنعا تۇسكەن الەم چەمپيوناتىنان تۇركمەنستان بالۋاندارى 5 التىن, 6 كۇمىس, 4 قولا مەدال ولجالاعان بولاتىن. كۋراشتان الەم چەمپيونى اتانعان بالۋاندار مەن ولاردىڭ باپكەرلەرىنە تۇركمەنستان پرەزيدەنتىنىڭ اتىنان اۆتوكولىك تارتۋ ەتىلدى.