وقيعا پاۆلودار قالاسىنداعى بالالاردى وڭالتۋ ورتالىقتارىنىڭ بىرىندە بولعان, دەپ حابارلايدى Egemen.kz.
مۇعالىمنىڭ بۇل ارەكەتى ۆيدەوعا ءتۇسىپ, الەۋمەتتىك جەلىدە تارادى. كادرلاردا تاربيەشىنىڭ ءتۇرلى جاتتىعۋلار كەزىندە بالانىڭ باسىنان جانە قولىنان ۇرعانى كورسەتىلگەن.
زارداپ شەككەن تاراپ Instagram جەلىسىندەگى پابليكتەردىڭ بىرىندە شاعىمىن جاريالادى. اۆتوردىڭ جازۋىنشا, ۇلىنىڭ قولىندا كوگەرگەن جەرلەردى بايقاعان انا تەز ارادا مەكەمە اكىمشىلىگىنە حابارلاسىپ, بەينەباقىلاۋ كامەرالارىنداعى جازبالاردى سۇراتتى. بۇعان تاربيەشىنىڭ قاتىسى بار ەكەنى سول كەزدە انىقتالدى. مۇعالىم جۇمىستان شىعارىلدى, بىراق بالانىڭ اناسى ونى زاڭ تالابىنا سايكەس جازالاۋدى تالاپ ەتىپ وتىر.
وبلىستىق پوليتسيا دەپارتامەنتىنىڭ ءباسپاسوز قىزمەتى قاجەتتى ساراپتامالار تاعايىندالىپ, سوتقا دەيىنگى تەرگەۋ امالدارى جۇرگىزىلىپ جاتقانىن حابارلادى. باسقارما باسشىلىعى بۇل ءىستى ەرەكشە باقىلاۋعا الدى.