12 اقپاندا ءوڭىر باسشىسى نۇرلان نوعاەۆ قالالىق ءماسليحات دەپۋتاتتارىنا ءوز ەركىمەن قىزمەتىنەن كەتكەن ايبەك قوسۋاقوۆتىڭ ورنىنا جاڭاوزەن قالاسىنىڭ اكىمى لاۋازىمىنا جاڭا كانديداتۋرانى ۇسىندى. بۇعان دەيىن جاڭاوزەن قالاسى اكىمىنىڭ ورىنباسارى قىزمەتىن اتقارعان جانسەيىت قاينارباەۆ جاڭا كانديدات اتاندى.
جانسەيىت قاينارباەۆ ش.ەسەنوۆ اتىنداعى كاسپي مەملەكەتتىك تەحنولوگيالار جانە ينجينيرينگ ۋنيۆەرسيتەتىندە «تاۋ-كەن ينجەنەرى» جانە «ەكونوميكا» ماماندىقتارى بويىنشا وقىعان, ەكى جوعارى ءبىلىمى بار.
ەڭبەك جولىن 2006 جىلى جەكە سەكتوردا باستاعان. 2012 جىلعا دەيىن وسى سالادا شەبەر, باس مەحانيكتىڭ ورىنباسارى بولعان. ءارتۇرلى جشس ديرەكتورى قىزمەتتەرىن اتقارعان.
2012 جىلدان 2014 جىلعا دەيىن جاڭاوزەن قالاسىنداعى «تازالىق» مكك ءبولىم باستىعى بولعان.
2014 جىلدان 2015 جىلعا دەيىن «كوممۋنالدىق قىزمەت» مكك ديرەكتورى قىزمەتىن اتقارعان.
2015 جىلدان 2016 جىلعا دەيىن تۇپقاراعان اۋداندىق تۇرعىن ءۇي-كوممۋنالدىق شارۋاشىلىق, جولاۋشىلار كولىگى جانە اۆتوموبيل جولدارى ءبولىمىنىڭ باسشىسى بولدى.
2016 جىلدان 2022 جىلعا دەيىن ماڭعىستاۋ وبلىسى تۇپقاراعان اۋدانى اكىمىنىڭ ورىنباسارى لاۋازىمىنا تاعايىندالدى.
2022 جىلدان باستاپ قازىرگى ۋاقىتقا دەيىن جاڭاوزەن قالاسى اكىمىنىڭ ورىنباسارى قىزمەتىن اتقارىپ كەلگەن.
دەپۋتاتتار ۇسىنىلعان كانديداتۋرانى قولداپ, جانسەيىت قاينارباەۆقا سەنىم ارتاتىنىن جەتكىزدى. نۇرلان نوعاەۆ اتقارىلعان جۇمىسى ءۇشىن ايبەك قوسۋاقوۆقا العىس ءبىلدىرىپ, جاڭا اكىمگە جاڭاوزەن قالاسىنىڭ الەۋمەتتىك-ەكونوميكالىق دامۋىنا قاتىستى بىرقاتار تاپسىرما جۇكتەدى.