ماڭعىستاۋ وبلىسىندا ءۇش كۇننەن بەرى حابار-وشارسىز كەتكەندەر تابىلدى. تۋىستارى جوعالعان ادامداردىڭ 9 اقپاننان باستاپ بايلانىسقا شىقپاعانىن ايتقان, دەپ حابارلايدى Egemen.kz.
Massaget.kz سايتىنىڭ حابارلاۋىنشا, 12 اقپاندا ساعات 11.00-دە ماڭعىستاۋ وبلىسىنىڭ بەينەۋ اۋدانىندا تجد, پد جانە جەرگىلىكتى اتقارۋشى ورگانداردىڭ ىزدەستىرۋ-قۇتقارۋ توبى 9 اقپاندا اقتوبە وبلىسىنىڭ شالقار اۋدانى ارقىلى قىزىلوردا وبلىسىنا اۆتوكولىكپەن جول جۇرگەن 2 ادامدى ىزدەستىرگەن. بۇگىن, ساعات 13:20-دا جوعالعان ادامدار بايلانىسقا شىقتى.
جوعالعانداردىڭ ايتۋىنا قاراعاندا, كولىكتەرى بالشىققا باتىپ, تاقاۋ ماڭايداعى بەكەتكە ءوز بەتتەرىنشە جەتكەن. ولار مەديتسينالىق كومەككە جۇگىنبەگەندەرىن قوسا ايتتى.