الماتى وبلىسىندا قار كوشكىنى ءجۇردى

الماتى تجم مالىمەتىنشە, جالپى كولەمى 216 تەكشە مەتر بولاتىن قار ماسساسى اۆتوجولدى جاۋىپ تاستادى.

زارداپ شەككەن ازاماتتار جوق, عيماراتتارعا دا زاقىم كەلمەگەن.

وقيعا ورنىنا الماتى وبلىسى تجد 1 قىزمەتكەرى مەن 1 تەحنيكاسى جىبەرىلدى. سونداي-اق «قازسەلدەنقورعاۋ» مم قىزمەتكەرلەرى اۆتوجولدى تازارتۋ جۇمىستارىنا كىرىسىپ كەتتى.

ايتا كەتسەك, «تۇرگەن اۋىلى - باتان» اۆتوجولى جولاۋشىلاردىڭ قاۋىپسىزدىگى ماقساتىندا 2024 جىلدىڭ 1 مامىرىنا دەيىن جابىق تۇرادى.