بوكستان قازاقستان كومانداسىنىڭ باس باپكەرى مىرزاعالي ايتجانوۆ يتاليادا وتەتىن الەمدىك ليتسەنزيالىق تۋرنيرگە قاتىساتىن بوكسشىلار ءتىزىمىن جاريا ەتتى, دەپ حابارلايدى Egemen.kz Olympic.kz. سايتىنا سىلتەمە جاساپ.
بۇل تۋرالى قازاقستان بوكس فەدەراتسياسىنىڭ باسشىسى شاحمۇرات ءمۇتالىپتىڭ قۇراما كوماندامەن كەزدەسۋى بارىسىندا بەلگىلى بولدى.
اتالعان ليتسەنزيالىق تۋرنيرگە قاتىساتىن بوكسشىلار:
51 كەلى: ساكەن بيبوسىنوۆ;
57 كەلى: ماحمۇد سابىرحان;
63,5 كەلى: مۇحاممەدسابىر بازارباي ۇلى;
71 كەلى: اسلانبەك شىمبەرگەنوۆ;
80 كەلى: نۇربەك ورالباي;
92 كەلى: ايبەك ورالباي.
ەسكە سالايىق, بوكستان قازاقستان ەرلەر كومانداسىندا ازىرگە ءبىر عانا جولداما بار. 2023 جىلعى جازعى ازيا ويىندارىندا اسا اۋىر سالماقتاعى قامشىبەك قوڭقاباەۆ پاريج ليتسەنزياسىن قورجىنعا سالعان ەدى.
قازىرگى ۋاقىتتا قازاقستان كومانداسى جاتتىعۋ جيىنىن وتكىزىپ جاتىر.
يتالياداعى ىرىكتەۋ ءتۋرنيرى 29 اقپان – 12 ناۋرىز ارالىعىندا وتەدى.