الماتى وبلىسىنىڭ پروكۋراتۋراسى تالعار اۋدانىنداعى مەكتەپتەردىڭ بىرىندە ەسەپشىنىڭ جالاقىعا ارنالعان بيۋدجەت قاراجاتىن ۇرلاۋ فاكتىسىن انىقتادى, دەپ جازادى Egemen.kz وبلىستىق پروكۋراتۋرانىڭ ءباسپاسوز قىزمەتىنە سىلتەمە جاساپ.
«قۇقىق بۇزۋشىلىق مەكتەپتە جۇمىس ىستەمەيتىن قىزمەتكەرلەرى مەن ولاردىڭ تۋىستارىنا اقشا اۋدارۋ ارقىلى جاسالعان. الدىن الا كەلتىرىلگەن شىعىن 90 ملن تەڭگەدەن اسادى جانە شىعىندى ەسەپتەۋ جالعاسىپ جاتىر.
اتالعان فاكتى بويىنشا وبلىس پروكۋراتۋراسى قازاقستان رەسپۋبليكاسى قىلمىستىق كودەكستىڭ 189 بابى 2-بولىگى 4-تارماعى بويىنشا قىلمىستىق ءىس قوزعالىپ (سەنiپ تاپسىرىلعان بوتەن مۇلiكتi يەمدەنiپ الۋ نەمەسە تالان-تاراجعا سالۋ) تەرگەۋ بويىنشا الماتى وبلىسى بويىنشا ەكونوميكالىق تەرگەۋ باسقارماسىنا جولداندى», دەلىنگەن اقپاراتتا.
الماتى وبلىسىنىڭ ەڭبەكشىقازاق اۋدانىندا بۇدان بۇرىن وسىنداي فاكت انىقتالىپ, مەكتەپ ەسەپشىسى تەرگەۋ ساتىسىندا 10 ميلليون تەڭگەدەن اسا شىعىندى وتەگەن بولاتىن.