ەندى ءماجىلىس عيماراتىندا جۇرگەندەر مىندەتتى تۇردە ماسكا تاعىپ جۇرەدى, دەپ حابارلايدى Egemen.kz.
پرەزيدەنت ءىس باسقارماسىنىڭ مەديتسينا ورتالىعىنىڭ باس سانيتاريالىق دارىگەرى ايگۇل تەمىرعاليەۆانىڭ قاۋلىسىنا سايكەس 7 اقپاننان باستاپ كوروناۆيرۋستىڭ الدىن الۋ شارالارى ەنگىزىلدى. قاۋلىعا سايكەس عيماراتقا كەلەتىندەر ماسكا تاعۋعا مىندەتتى.
جينالىستار مەن باسقا دا بۇقارالىق ءىس-شارالار ونلاين فورماتقا اۋىستىرىلادى نەمەسە ماسكا رەجيمى مەن سانيتارلىق نورمالاردى قاتاڭ ساقتاي وتىرىپ وتكىزىلەدى.
بۇعان دەيىن ءماجىلىس سپيكەرى ەرلان قوشانوۆتىڭ كوروناۆيرۋستان ەمدەلىپ جاتقانىن حابارلادىق. ال كۇنى كەشە پرەزيدەنتتىڭ كەڭەسشىسى قانات بوزىمباەۆتا دا كوروناۆيرۋس انىقتالعان ەدى.