الماتى قالاسى مەدەۋ اۋدانى, تاۋ سامالى شاعىناۋدانىنداعى ەكى ءۇيدى لاي كوشكىنى باسىپ قالعانى حابارلانعان ەدى. ىزدەۋ-قۇتقارۋ جۇمىستارى ناتيجەسىندە ىزدەستىرىلگەن 4 ادامنىڭ دا دەنەسى تابىلدى, دەپ جازادى Egemen.kz توتەنشە جاعدايلار مينيسترلىگىنە سىلتەمە جاساپ.
قۇتقارۋشىلار بۇعان دەيىن 2007 جىلى تۋعان جىگىتتىڭ دەنەسىن ءۇيىندى استىنان الىپ شىقتى.
«وقيعا ورنىندا قۇتقارۋشىلار قالعان 3 ادامنىڭ دەنەسىن تاپتى. ولار 1984 جىلى تۋعان ەر ادام مەن 1980 جىلى تۋعان ايەلدىڭ مايىتتەرى مەن 2007 جىلى تۋعان 2 ءجاسوسپىرىم جىگىت», دەلىنگەن تجم حابارالماسىندا.
قۇتقارۋ ناتيجەسىندە ىزدەستىرىلىپ جاتقان 4 ادامنىڭ دا ءمايىتى تابىلدى.