بۇل تۋرالى اقپارات Telegram جەلىسىندەگى ارنالاردىڭ بىرىندە پايدا بولدى. ال ۆەدومستۆو وكىلدەرى بۇل دەرەكتى جوققا شىعارمادى, دەپ حابارلايدى Egemen.kz.
الەۋمەتتىك جەلىدە تاراپ كەتكەن اقپاراتقا سايكەس, قوناەۆ قالاسىنىڭ اكىمدىگى 2023 جىلدىڭ 11 جەلتوقسانىندا قۇپيا تۇردە 1 ملن تەڭگەگە جۋىق قارجىعا ەكى كرەسلو ساتىپ العان.
وسىنشاما قىمبات كرەسلولاردى كورۋگە بارعان باق وكىلدەرى ەش اقپارات الا الماي قايتتى. سەبەبى اكىمدىك وكىلدەرى قىمبات كرەسلولاردى كورسەتۋگە باس تارتقان.
وسى ورايدا Kazinform اقپارات اگەنتتىگىنىڭ ءتىلشىسى ۆەدومستۆوعا ساۋال جولدادى.
بەلگىلى بولعانداي, بۇل ماسەلە بويىنشا قوناەۆ قالاسى اكىمىنىڭ اپپارات باسشىسىنا قاتىستى قىزمەتتىك تەكسەرىس باستالىپ كەتكەن.
«كرەسلولار قاي مەكەمەگە بەرىلگەنى انىقتالىپ جاتىر. جيھاز قالا اكىمىنىڭ كەلىسىمىنسىز الىنعان», دەپ جاۋاپ بەردى قالا اكىمدىگىنىڭ ءباسپاسوز قىزمەتى.