پرەزيدەنت جاڭا دەنساۋلىق ساقتاۋ ءمينيسترىن تاعايىندادى

«مەملەكەت باسشىسىنىڭ جارلىعىمەن اقمارال شارىپبايقىزى ءالنازاروۆا قازاقستان رەسپۋبليكاسىنىڭ دەنساۋلىق ساقتاۋ ءمينيسترى لاۋازىمىنا تاعايىندالدى», دەلىنگەن رەسمي حابارلامادا.

ءبىلىمى, ماماندىعى, ليتسەنزياسى:

الماتى مەملەكەتتىك مەديتسينا ينستيتۋتى (1994). «پەدياتريا» ماماندىعى». قورقىتاۋ ۋنيۆەرسيتەتى (2006). «ەكونوميست» ماماندىعى ەكونوميكا باكالاۆرى. قازاقستاندا دا, شەتەلدە دە قوسىمشا وقۋدان ءوتتى. ۇيىمداستىرۋشى-جوعارى ساناتتى گيگيەنيست, جوعارى ساناتتى دارىگەر-پەدياتر.

عىلىمي اتاقتارى, دارەجەلەرى, قىزمەتى:

مەديتسينا عىلىمدارىنىڭ دوكتورى (2010).

ەڭبەك ءوتىلى:

قىزىلوردا قالالىق بالالار اۋرۋحاناسىنىڭ قابىلداۋ ءبولىمىنىڭ دارىگەرى; پەدياتريا جانە بالالار حيرۋرگياسى عىلىمي ورتالىعىنىڭ قىزىلوردا فيليالىنىڭ كىشى عىلىمي قىزمەتكەرى (1997-1999); ءبولىم باستىعى, وبلىستىق دەنساۋلىق ساقتاۋ باسقارماسى باستىعىنىڭ ورىنباسارى (1999-2001); قىزىلوردا وبلىستىق بالالار اۋرۋحاناسىنىڭ باس دارىگەرى (2001-2003); قىزىلوردا وبلىسى دەنساۋلىق ساقتاۋ باسقارماسىنىڭ باستىعى (2003-2004); قر دەنساۋلىق ساقتاۋ مينيسترلىگى مەديتسينالىق قىزمەت كورسەتۋ سالاسىنداعى باقىلاۋ كوميتەتىنىڭ وبلىستىق باسقارماسىنىڭ باستىعى (2005-2007); قىزىلوردا مەديتسينالىق كوللەدجىنىڭ ديرەكتورى (2007-2013); قىزىلوردا وبلىسى اكىمىنىڭ ورىنباسارى (02.2013-12.2014); قىزىلوردا وبلىستىق ءماسليحاتىنىڭ حاتشىسى (12.2014-11.2015); قىزىلوردا وبلىسىنىڭ دەنساۋلىق ساقتاۋ باسقارماسىنىڭ باسشىسى (11.2015-04.2019); «نۇر وتان» پارتياسى قىزىلوردا وبلىستىق فيليالى توراعاسىنىڭ ءبىرىنشى ورىنباسارى (04.2019-06.2020).

سايلانبالى قىزمەتتەرى, دەپۋتاتتىق:

وبلىستىق ءماسليحاتتىڭ IV جانە V شاقىرىلىمدارىنىڭ دەپۋتاتى, الەۋمەتتىك سالا جانە مادەنيەت ماسەلەلەرى جونىندەگى كوميسسيانى باسقاردى; قازاقستان رەسپۋبليكاسى پارلامەنتى سەناتىنىڭ دەپۋتاتتىعىنا كانديدات (06.2020).

مەملەكەتتىك جانە حالىقارالىق ناگرادالارى, سىيلىقتارى, قۇرمەتتى اتاقتارى:

«پاراسات» وردەنى; «قۇرمەت» وردەنى; مەدالدەرى: «شاپاعات», «استاناعا - 10 جىل»; «قر دەنساۋلىق ساقتاۋ ءىسىنىڭ ۇزدىگى» توسبەلگىسى; «Nur Otan» پارتياسى قىزىلوردا فيليالى توراعاسىنىڭ العىس حاتى (06.2020).