ءبىلىم بەرۋ ينفراقۇرىلىمىن قولداۋ قورى ەسەبىنەن 15 مىڭعا جۋىق وقۋشىعا ارنالعان 20 جاڭا مەكتەپ سالىنادى, دەپ حابارلايدى Egemen.kz قر وقۋ-اعارتۋ مينيسترلىگىنىڭ ءباسپاسوز قىزمەتىنە سىلتەمە جاساپ.
مينيسترلىك جەمقورلاردان تاركىلەنگەن قارجىعا سالىناتىن ءبىلىم بەرۋ نىساندارىنىڭ ءتىزىمىن جاريالادى. ولار:
اپاتتى مەكتەپتەردى اۋىستىراتىن 2740 وقۋشىعا ارنالعان 5 مەكتەپ قۇرىلىسى (ەكى اۋىسىمدا); ءۇش اۋىسىمدا وقىتۋدى جويۋ ءۇشىن 1200 ورىندىق 1 مەكتەپتىڭ قۇرىلىسى (ەكى اۋىسىمدا); وقۋشى ورىنىنىڭ تاپشىلىعىن جويۋ ءۇشىن 8976 وقۋشىعا ارنالعان 11 مەكتەپتىڭ قۇرىلىسى (ەكى اۋىسىمدا); توزىعى جەتكەن مەكتەپتى اۋىستىراتىن 200 ورىندىق 1 مەكتەپتىڭ قۇرىلىسى (ەكى اۋىسىمدا); ەكى مەكتەپكە قوسىمشا كورپۋستار سالۋ ء(ماجىلىس جانە سپورت زالدارى, اسحانالار).دالىرەك ايتساق, شىمكەنت قالاسىندا, جەتىسۋ جانە قىزىلوردا وبلىستارىندا ءۇش مەكتەپتەن, جامبىل وبلىسىندا ءتورت مەكتەپ, استانا قالاسى مەن الماتى وبلىسىندا ەكى مەكتەپتەن, بقو, پاۆلودار, سولتۇستىك قازاقستان وبلىستارىندا ءبىر مەكتەپتەن سالىنادى.
وتكەن جىلى ءبىلىم بەرۋ ينفراقۇرىلىمىن قولداۋ قورىنان 96 ملرد تەڭگەگە 76 738 وقۋشى ورىنىنا ارنالعان 62 جوبا قارجىلاندىرىلعانىن ايتا كەتۋ كەرەك.