تۇركىستانداعى قوجا احمەت ياساۋي ۋنيۆەرسيتەتىندە ماجارستاننان كەلگەن قوبىزشى قىز بوگلاركا فەحەر ءبىلىم الادى. قازىر ول قوبىزدان بولەك, دومبىرانى دا ۇيرەنىپ ءجۇر.
ءداستۇرلى مۋزىكا ماماندىعىنىڭ ستۋدەنتى ب.فەحەر التى تىلدە ەركىن سويلەيدى. ءبىر سوزبەن ونى پوليگلوت دەپ ايتۋعا بولادى. ول تۇركىستانعا قوبىز ۇيرەنۋگە كەلىپتى. ەلىمىزگە كەلگەننەن كەيىن قازاق ءتىلىن ءتاپ-ءتاۋىر مەڭگەرىپ العان. ونىڭ قوبىزعا قىزىعۋشىلىعى «تۇران» ەتنو-فولكلورلىق ءانسامبلىنىڭ ماجارستاندا بولعان كونتسەرتىنەن كەيىن ويانعان.
«2014 جىلى ءبىزدىڭ ەلگە «تۇران» ءانسامبلى گاسترولدىك ساپارمەن كەلدى. كەرەمەت كونتسەرت قويدى. سول كونتسەرتتى كورىپ, قازاق ونەرىنە عاشىق بولدىم. اسىرەسە مەنى قوبىزدىڭ ءۇنى ەرەكشە تولقىتتى. سودان باستاپ وسى اسپاپتى ۇيرەنۋگە دەن قويدىم. ۇيرەنۋ ءۇشىن اتالعان ءانسامبلدىڭ قوبىزشىسى ماقسات مەدەۋبەكتەن ونلاين ساباق الدىم. ءسويتىپ, قوبىزدى اجەپتاۋىر مەڭگەردىم. قازىر ەركىن وينايمىن. ەندى ۇستازىم ەراسىل قاۋىمباەۆتان دومبىرا ۇيرەنىپ ءجۇرمىن», دەدى ول.
ايتا كەتەيىك, بوگلاركا فەحەردىڭ كومپوزيتورلىق قابىلەتى دە بار. قوبىزعا ارناپ «دالا سىرى» اتتى كۇي شىعارعان. بۇدان بولەك ماجار تىلىندە جازعان تۋىندىلارى دا جەتەدى.
ديدار اسىلحان,
قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ 2-كۋرس ستۋدەنتى