جۇرگىزۋشى جەلىكسە...

بۇل – الاڭداتارلىقتاي دەرەك. ارينە, پوليتسيا قىزمەتكەرلەرى كولىك رۋلىندەگى شوپىرلارعا قاۋىپ­­سىزدىك ەرەجەسىن ساقتاۋدى ۇدايى ەسكەرتىپ كەلەدى. بىراق ءتار­­تىپ ساقشىلارىنىڭ كەڭەسىنە قۇ­لاق اسپاي, جۇرە تىڭداعان جۇر­گىزۋشىلەر جول اپاتىنا ۇشىراپ جاتىر. ءسويتىپ, وزدەرى دە, كولىكتەگى وزگە جولاۋشىلاردىڭ قازا تابۋىنا سەبەپكەر بولعانىنا بىرنەشە دەرەك بار.

جەرگىلىكتى پوليتسيا قىزمەتى باسقارماسى باسشىسىنىڭ ورىنباسارى نۇربولات الەكەسوۆتىڭ مالىمەتىنە سۇيەنسەك, جول-كولىك وقيعالارىنىڭ باسىم بولىگى رەس­پۋبليكالىق ماڭىزى بار تاسجولدا بولاتىنى انىقتالىپ وتىر. مۇن­داي جولدا ادام ءولىمىنىڭ 61,8 پايىزى تىركەلەدى ەكەن. ستاتيس­تيكالىق تالداۋعا سايكەس وڭىردەگى رەسپۋبليكالىق ساناتتاعى جولدا تىركەلگەن كولىك اپاتىنان 55 ادام قازا بولعان.

سونداي-اق جاسوسپىرىمدەر زارداپ شەككەن جول-كولىك وقيعاسىنىڭ سانى ەداۋىر وسكەن. سول سەبەپتەن جول اپاتىنىڭ الدىن الۋ ءۇشىن 14 مارتە جەدەل الدىن الۋ ءىس-شاراسى مەن رەيدتىك اكتسيا وتكى­زىلىپتى. الاي­دا جول-كولىك وقيعا­سى ازايار ەمەس. جول اپاتىنىڭ جيىلە­گەنى­نە الاڭداعان وقۋشىلار كولىك جۇر­گىزۋشىلەرگە ارنالعان حات جولدادى.

«قىمباتتى جۇرگىزۋشى اعاي, قوعامدىق كولىكتىڭ قىزمەتىن كۇن­دەلىكتى پايدالانامىز. اۆتوبۋسپەن ۇلكەندەر جۇمىسقا, ءبىز ساباققا با­را­مىز. ءبارىمىز ۇيگە قايتاردا اۆتوبۋسقا مىنەمىز. كولىكتى ابايلاپ جۇرگىزسەڭىز, بارلىعىمىز امان بولامىز. اپاتتان ساق بولۋ – ءوز قولىڭىزدا! ساپارىڭىز ءساتتى بولعاي!», دەپ جازىپتى وقۋشىنىڭ ءبىرى.

پوليتسيانىڭ دەرەگىنە جۇگىن­سەك, بىلتىر جول اپاتىنان ءبىر وتباسىنىڭ 6 ادامى مەرت بولعان ەدى. ونىڭ تورتەۋى – ون ەكىدە ءبىر گ ۇلى اشىلماعان بەيكۇنا ءسابي. ال تاعى ءبىر كولىكتە 7 ادام باقيلىق بولدى. ەستىگەن ادامنىڭ جانىن تۇرشىكتىرەتىن مۇنداي دەرەكتەر سول مەزەتتە الەۋمەتتىك جەلى ارقىلى كوپشىلىككە تاراپ جاتىر. «ەل قۇلاعى – ەلۋ» دەگەندەي, جول اپاتى تۋرالى دەرەكتى ەستىپ, ءتىپتى بەينەجازباسىن سمارتفوننان كورسە دە, كۇرە جولدا جەلىك قۋعانداي ەلىرەتىن جۇرگىزۋشىلەر ازايار ەمەس.

كەيدە پوليتسيا قىزمەتكەرلەرىن وق اتۋعا ءماجبۇر ەتەتىن جۇرگىزۋشى­لەر بار. ماسەلەن, وتكەن جىلعى قارا­شادا «Dalmlerchr Sler» جۇك كولىگىنىڭ شوپىرى ينسپەكتوردىڭ اياعىن باسىپ كەتتى. پوليتسيا قىز­مەتكەرلەرى ونى توقتاتۋ ءۇشىن اسپانعا, كەيىن كولىك دوڭگەلەگىنە ەكى رەتتەن وق اتتى. ويتكەنى كو­لىك جۇرگىزۋشىسى جەرگىلىكتى ۋاقىت­پەن ساعات 11:45 شاماسىندا «اتى­راۋ-ورال» تاسجولىنىڭ 183-شا­قىرىمى تۇسىندا جىلدامدىقتى شاما­دان تىس اسىر­عان. الايدا كولىك جۇر­گىزۋشىسى پاترۋلدىك پو­ليتسيا ينسپەك­تورلا­رىنىڭ زاڭ­دى تالابىنا باعىن­باي, قاشا جونەلگەن. ءتارتىپ ساق­شى­لارى يندەربور كەنتىندە قىز­­مەتتىك كو­لىكتەرمەن الدىن بوگەپ, توق­تات­قان ەدى. جۇك كولىگى توقتا­تىل­عانىمەن, جۇرگىزۋشى كابينادان تۇسپەس­تەن قاشىپ قۇتىلۋعا تىرىستى. سول كەزدە پاترۋلدىك پوليتسيا ينس­پەكتورىنىڭ وڭ اياعىن باسىپ كەتىپ, جول بويىنداعى بىرنە­شە اۆ­توكولىككە اپاتتى جاعداي تۋدىردى.

ارينە, زاڭدى تالاپقا باعىن­باعان, ءتىپتى پوليتسيانىڭ اياعىن باسقان جۇرگىزۋشى قۇتىلعان جوق. ونىڭ كولىگى توقتاتىلدى, ءوزى ۇستال­دى. بىراق تاڭدانىس تۋدىراتىن ەكى جايت بار. ءبىرىنشىسى – ونىڭ ماس ەمەستىگى. ەكىنشىسى – كولىكتىڭ وزىنىكى ەمەستىگىن ايتىپ, باس تارتۋى.

جول-كولىك وقيعالارى بيىل دا قايتالانىپ جاتىر. ماسەلەن, جىل باستالعالى بەرى 15 جول-كولىك وقيعاسى تىركەلگەن. اپات سالدارىنان 6 ادام قازا تاۋىپ, 14 ادام دەنە جاراقاتىن العان.

پوليتسەيلەردىڭ پىكىرىنشە, جول اپاتىنىڭ بىرنەشە سەبەبى بار. بىرىنشىدەن, الداعى كولىكتى باسىپ وزۋ تالابى بۇزىلادى. ەكىنشىدەن, جىلدامدىقتى شامادان تىس ارتتىرۋمەن بايلانىستى بولىپ وتىر. وكىنىشكە قاراي, جولدا ءجۇرۋ ەرەجەسى ساقتالمايدى. مۇنىڭ بارىنە الدىمەن رۋل­دەگى جۇرگىزۋشى كىنالى ەكەنى داۋسىز. ويتكەنى كولىك جۇرگىزگەن­دەر جاۋاپ­­كەرشىلىكتى سەزىنبەي, جە­لىك قۋعانداي اسىعادى. ءسويتىپ, «اسىق­­­قان – شايتاننىڭ ءىسى» دەگەن ءتامسىلدى ەستەن شىعارادى.

«پاترۋلدىك پوليتسيا قىزمەت­كەرلەرى رەسپۋبليكالىق ماڭىزى بار اۆتوموبيل جولدارىن تاۋلىك بويى قاداعالايدى. قاۋىپسىزدىكتى ساقتاۋ ءۇشىن 15 باقىلاۋ-وتكىزۋ بەكەتىندە كولىك جۇرگىزۋشىلەرىنە ىقتيمال اپاتتار تۋرالى ەسكەرتەدى. جاقىندا پوليتسەيلەرگە «Cyber Sheriff» ءموبيلدى اپپاراتى بار 28 كولىك, 4 اۋە درونى, 8 «ورا­كۋل-ينسايت» ءموبيلدى-تاسىما­لاۋ جانە «ترافيك-سكانەر» ستاتسيو­نارلىق جىلدامدىق ولشەگىش قۇرىلعىسى بەرىلدى. قازىر تاس­­جول­داردا جىلدامدىقتى ولشەي­تىن قۇرىلعىلاردى ورناتۋ جۇمىس­تارى جۇرگىزىلىپ جاتىر», دەيدى ن.الەكەسوۆ.

اتىراۋ وبلىسى