فرانتسيانىڭ مونپەلە قالاسىندا ءوتىپ جاتقان اتر تۋرنيرىندە سوقىر جەرەبە قازاقستاننىڭ قوس تەننيسشىسى الەكساندر بۋبليك پەن الەكساندر شەۆچەنكونى شيرەك فينالدا جولىقتىردى.
الەمدىك رەيتينگتە 27-ورىندا تۇرعان بۋبليك ءبىرىنشى كەزەڭدە بوس بولىپ, ەكىنشىسىندە كانادالىق دەنيسا شاپوۆالوۆتى (№137) شاڭ قاپتىرعان ەدى. ۇزدىكتەر تىزىمىندە 59-ساتىعا جايعاسقان شەۆچەنكو چەحيالىق داليبور سۆرچينا (№194) مەن فرانتسيالىق گرەگۋار باررەردەن (№104) باسىم ءتۇستى. قازاقستاننىڭ قوس تەننيسشىسى اراسىنداعى باسەكە 2 ساعات 8 مينۋتقا سوزىلىپ, 4:6, 6:3, 6:4 ەسەبىمەن ەلىمىزدىڭ ءبىرىنشى راكەتكاسىنىڭ پايداسىنا شەشىلدى. جارتىلاي فينالدا بۋبليك اتر رەيتينگىندە 30-ورىنعا تۇراقتاعان كانادانىڭ ويىنشىسى فەليكس وجە-الياسسيممەن كۇش سىناستى. العاشقى سەتتە 4:6 ەسەبىمەن ەسە جىبەرگەن وتانداسىمىز اقىرىندا جەڭىستى قارسىلاسىنىڭ ۋىسىنان ج ۇلىپ اكەتتى – 6:4, 6:4. فينالدا ول حورۆاتيالىق بورنا چوريچپەن كەزدەسەدى.
ال تايلاندتىڭ حۋاحينىندە قىتايلىق ۆان سينيۋينەن جەڭىلگەن يۋليا پۋتينتسەۆا (№70) كەلەسى كۇنى-اق ءابۋ-دابيگە اتتاندى. بىراق ول جاقتا دا ونىڭ جولى بولمادى. ءباا-ءنىڭ استاناسىندا جەرلەسىمىز يسپانيالىق رەبەكا ماشاروۆادان (№86) ۇتىلدى – 7:6, 4:6, 2:6.