ەكاتەرينبۋرگ - الماتى تاسجولىندا, اقمولا وبلىسىنداعى ءبىرسۋات اۋىلىنىڭ ماڭىندا ءىرى جول اپاتى بولدى. 11 كولىك سوقتىعىسىپ, سالدارىنان بەس ادام زارداپ شەكتى, دەپ حابارلايدى Egemen.kz.
جەلىدە اقمولا وبلىسىنداعى تاسجولدا بولعان ءىرى جول اپاتىنىڭ ۆيدەوسى تارادى.
ەكاتەرينبۋرگ - الماتى تاسجولىنىڭ 1318-شاقىرىمىندا, ءبىرسۋات اۋىلىنا جاقىن جەردە بىرنەشە كولىك سوقتىعىستى.
«وقيعا ورنىنا بارعان پوليتسەيلەر Toyota Camry كولىگىنىڭ 29 جاستاعى جۇرگىزۋشىسى قاشىقتىقتى ساقتاماي, جىلدامدىقتى شەكتەن اسىرىپ, سول باعىتتا كەلە جاتقان Volkswagen Polo كولىگىمەن سوقتىعىسقانىن انىقتادى. وقيعا سالدارىنان 11 كولىك سوقتىعىستى», دەپ حابارلادى اقمولا وبلىسىنىڭ پوليتسيا دەپارتامەنتى.
پوليتسيا اۋرۋحاناعا زارداپ شەككەن بەس ادام جەتكىزىلگەنىن حابارلادى.