ادامنىڭ ومىرلىك پروتسەستەرىنىڭ تسيفرلىق ترانسفورماتسياسىنىڭ كۋاسى بولىپ وتىرمىز

ء«بىز جاساندى ينتەللەكت تەحنولوگيالارىنىڭ, روبوتوتەحنيكانىڭ قارقىندى دامۋىنىڭ, سونداي-اق ادامنىڭ ومىرلىك پروتسەستەرىنىڭ تسيفرلىق ترانسفورماتسياسىنىڭ كۋاسى بولىپ وتىرمىز. مۇنداي جاعدايلاردا تەز بەيىمدەلۋ جانە جاڭا شەشىمدەر قابىلداۋ قابىلەتى ماڭىزدى ساتتىلىك فاكتورىنا اينالادى. بۇل وزگەرىستەردىڭ ادامي اسپەكتىسىنە ەرەكشە نازار اۋدارۋ كەرەك», دەدى پرەمەر-مينيستر. 

پرەمەر-مينيستر ايتىپ وتكەندەي, وسى تۇرعىدا مىنالارعا نازار اۋدارۋ ماڭىزدى.

ء«بىرىنشى جانە نەگىزگى باعىت – مەملەكەتتىڭ ازاماتتارمەن جانە بيزنەسپەن ءوزارا ارەكەتتەسۋىندە ادامدىق كوزقاراستى قالىپتاستىرۋ.  وتكەندى ەسكە الايىق. قۇجاتتاردى قاعاز تۇرىندە الۋعا كوپ ۋاقىت جۇمساۋعا تۋرا كەلدى. بۇگىندە تسيفرلاندىرۋ وسى ۇدەرىستەردىڭ بارلىعىن وڭتايلاندىردى. مەملەكەتتىك قىزمەتتەردىڭ 90 پايىزدان استامى قازىر ەلەكتروندى فورماتتا. ساندىق وتباسى كارتاسىنىڭ ارقاسىندا قازىر 6,3 ميلليون وتباسىنىڭ دەرەكتەرى تسيفرلاندىرىلدى», دەپ اتاپ ءوتتى ءاليحان سمايىلوۆ.  

بۇدان ارى ۇكىمەت باسشىسى «كورىنبەيتىن ۇكىمەت» تۇجىرىمداماسىن جۇزەگە اسىرۋ بارىسىنا توقتالدى. ونىڭ  اياسىندا پرواكتيۆتى فورماتتا 40 مەملەكەتتىك قىزمەت ءتۇرى كورسەتىلەدى. مەملەكەت پەن بيزنەستىڭ ىنتىماقتاستىعىنىڭ تاعى ءبىر ءساتتى مىسالى – ءبىزدىڭ كوممەرتسيالىق بانكتەردىڭ وتىنىمدەرىندە مەملەكەتتىك قىزمەتتەردى كورسەتۋ. ولار تاۋەكەلدەردى باسقارۋدىڭ اۆتوماتتاندىرىلعان جۇيەلەرىنە نەگىزدەلگەن.  بۇل باقىلاۋدىڭ تيىمدىلىگىن ارتتىرۋعا جانە تەكسەرۋلەر سانىن ايتارلىقتاي ازايتۋعا مۇمكىندىك بەرەدى. ستراتەگيالىق ماقسات – سۇرانىستاردى وڭدەۋدى جەدەلدەتۋ جانە قىزمەت كورسەتۋ ساپاسىن ارتتىرۋ ءۇشىن جاساندى ينتەللەكتىنى مەملەكەتتىك قىزمەت كورسەتۋ سالاسىنا بىرىكتىرۋ. بۇل رەتتە ءبىز جەكە دەرەكتەردى قورعاۋ جانە اقپاراتتىق قاۋىپسىزدىكتى ۇمىتپاۋىمىز كەرەك. جاساندى ينتەللەكتىنى قولدانۋدىڭ ءساتتى جاعدايلارىنىڭ ءبىرى – ءبىزدىڭ CEREBRA مەديتسينالىق پلاتفورماسى. ول ساندىق تەحنولوگيانى پايدالانا وتىرىپ, ءينسۋلتتى جىلدام دياگنوستيكالاۋعا مۇمكىندىك بەرەدى», دەپ اتاپ ءوتتى ءاليحان سمايىلوۆ.

قازىرگى ۋاقىتتا ءبىز كاسىپكەرلەر مەن ستارتاپتار قاۋىمداستىعىنا ءانونيمدى دەرەكتەرگە قول جەتكىزۋدى قامتاماسىز ەتۋ مەحانيزمدەرىمەن جۇمىس ىستەپ جاتىرمىز. «بيىلعى جىلدىڭ سوڭىنا دەيىن ءبىز عالىمدارىمىزدى, عىلىمي-زەرتتەۋ ينستيتۋتتارى مەن كاسىپورىنداردى قاجەتتى ەسەپتەۋ قۋاتىمەن قامتاماسىز ەتەمىز. ايماقتىق IT ەكوجۇيەسى دامىعان. جاقسى مىسال رەتىندە Astana Hub حالىقارالىق تەحنوپاركىن ايتۋعا بولادى. ول ءوزىن يننوۆاتسيالىق كلاستەر جانە ستارتاپتار ءۇشىن نەگىزگى سەرىكتەس رەتىندە تانىتتى. قازىر ءبىز بۇل تاجىريبەنى ەلىمىزدىڭ بارلىق ايماقتارىندا بەلسەندى تۇردە كەڭەيتىپ جاتىرمىز. Astana Hub سونىمەن قاتار جەتەكشى الەمدىك كومپانيالارمەن ءبىلىم بەرۋ كۋرستارى مەن زەرتتەۋ ورتالىقتارىن اشىپ, ءىرى تەحنولوگيالىق الپاۋىتتارمەن سەرىكتەستىك ورناتتى», دەيدى ءاليحان سمايىلوۆ.  

الەمنىڭ ءارتۇرلى بولىكتەرىندە ۇقساس ەكوجۇيەلەردىڭ جاھاندىق سەرىكتەس جەلىسىنىڭ بولۋى ماڭىزدى ەكەنىنە توقتالعان قازاق ۇكىمەتىنىڭ باسشىسى وتكەن جىلى ءبىز سيليكون القابىندا IT حابىن ىسكە قوسقانىمىزدى ايتتى. پرەمەر-ءمينيستردىڭ ايتۋىنشا, بۇل ء بىزدىڭ ەكسپورتتاۋشىلارىمىزعا جاڭا تەحنولوگيالار مەن كاپيتالعا قولجەتىمدىلىكتى قامتاماسىز ەتە وتىرىپ, الەمدىك IT نارىعىنا شىعۋعا مۇمكىندىك بەردى. باسقا ايماقتاردا, سونىڭ ىشىندە وڭتۇستىك-شىعىس ازيادا, تاياۋ شىعىستا جانە ەۋروپادا وسىنداي جۇمىستار جۇرگىزىلىپ وتىر. قازاق پرەمەرى ايتقان كەلەسى  باعىت –  قۇزىرەتتى بىلىكتى كادرلاردىڭ بولۋى. بۇل تاپسىرمانى جۇزەگە اسىرۋ ءۇشىن ءبىز ۇيرەنۋگە مۇمكىندىك بەرەتىن TechOrda باعدارلاماسىن ىسكە قوسىلۋى. ەڭ قىسقا مەرزىمدە جاستارعا ارنالعان IT ماماندىقتارى. سونىڭ ناتيجەسىندە 6 مىڭنان استام ادام IT-ءبىلىم الىپ, وندىرىسكە جۇمىسقا كىرىسىپ, كىرىستەرىن بىرنەشە ەسەگە ارتتىردى. سونداي-اق سپورتتىق باعدارلامالاۋ فەدەراتسياسى قۇرىلدى. ۇستىمىزدەگى جىلدىڭ قىركۇيەك ايىندا استانادا ايتۋلى وقيعا – باعدارلامالاۋدان جاستار اراسىنداعى الەم چەمپيوناتىنىڭ فينالى وتەدى.

ونەركاسىپ سالاسىندا جاڭا تەحنولوگيالاردى قولدانۋ دا باسىم باعىتتاردىڭ ءبىرى.  X يندۋسترياسىن دامىتۋدىڭ ماڭىزدى قۇرالى جەر قويناۋىن پايدالانۋشىلاردىڭ عىلىمي-زەرتتەۋ جانە تاجىريبەلىك-كونسترۋكتورلىق جۇمىستارعا العان پايداسىنىڭ 1% شەگەرۋى بولدى. ءبىر مىسال – جاساندى ينتەللەكت كومەگىمەن كەننەن التىن الۋ پروتسەسىن وڭتايلاندىرۋ جوباسى. مۇنداي ازىرلەمەلەر وندىرىستىك پروتسەستەردى وڭتايلاندىرۋعا جانە ولاردىڭ تيىمدىلىگىن ارتتىرۋعا مۋلتيپليكاتيۆتى اسەر ەتەدى», دەدى ءاليحان سمايىلوۆ.  

«كوممۋنيكاتسيالىق ينفراقۇرىلىمدى دامىتۋ. وتكەن جىلى ءبىز «قولجەتىمدى ينتەرنەت» ۇلتتىق جوباسىن قابىلدادىق. 2027 جىلعا قاراي ينتەرنەتتىڭ ەنۋى 100%-عا جەتەدى دەپ كۇتىلىپ وتىر. اۋىلدىق ەلدى مەكەندەردى ساپالى بايلانىسپەن قامتاماسىز ەتۋ جۇمىستارى جۇرگىزىلىپ جاتىر. سونداي-اق بيىلعى جىلى 2 مىڭ شالعايداعى اۋىل مەكتەبىن جوعارى جىلدامدىقتى ينتەرنەتپەن قامتۋ جوسپارعا الىنعان. 5G بايلانىسى ىسكە قوسىلدى, ونى قازىردىڭ وزىندە ەلىمىزدىڭ 20 قالاسىندا 2 ميلليوننان استام ادام پايدالانادى. كەلەسى جىلى 8 ميلليوننان استام ادامدى 5G بايلانىسىمەن قامتاماسىز ەتۋ جوسپارلانعان. قازاقستان تسيفرلىق الەمدە جاڭا جىبەك جولىنىڭ نەگىزگى قاتىسۋشىسى بولۋعا ۇمتىلىپ وتىر. كورشىلەرىمىزبەن بىرگە ءبىز كاسپي تەڭىزىنىڭ تۇبىمەن وپتيكالىق باعىتتى جۇزەگە اسىرۋدى جوسپارلاپ وتىرمىز جانە پارسى شىعاناعى ەلدەرىنە وپتيكالىق قولجەتىمدىلىكتى قامتاماسىز ەتۋ نۇسقالارىن قاراستىرۋدامىز», دەپ ءسوزىن تۇيىندەدى قازاقستاننىڭ پرەمەر-ءمينيسترى ءاليحان سمايىلوۆ.