قوناەۆ قالاسىندا تامشىلاتىپ سۋارۋ جۇيەلەرىنىڭ قوسالقى بولشەكتەرىن شىعاراتىن زاۋىت اشىلادى. بۇل تۋرالى سۋ رەسۋرستارى جانە يرريگاتسيا مينيسترلىگىنىڭ ءباسپاسوز قىزمەتى حابارلادى, دەپ جازادى Egemen.kz.
سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ قوناەۆ قالاسىنداعى تامشىلاتىپ سۋارۋ جۇيەلەرىنە ارنالعان قوسالقى بولشەكتەر شىعاراتىن زاۋىتتى ارالاپ كوردى. تامشىلاتىپ سۋارۋ ءادىسى - تىرشىلىك ءنارىن تىكەلەي وسىمدىك تامىرىنا جەتكىزۋ ارقىلى سۋدى ۇقىپتى پايدالانۋعا مۇمكىندىك بەرەدى.زاۋىت – قازاقستان جانە قىتاي كاسىپكەرلەرىنىڭ بىرلەسكەن جوباسى. كاسىپورىن قۋاتى اپتاسىنا 500 گەكتارعا دەيىن جەردى تامشىلاتىپ سۋارۋ تەحنولوگياسىمەن قامتاماسىز ەتۋگە جەتەدى دەپ كۇتىلىپ وتىر. الداعى ۋاقىتتا تاراز قالاسىندا دا وسىنداي زاۋىت اشۋ جوسپاردا بار.