قاراعاندى وبلىسىنىڭ مامانداندىرىلعان تابيعات قورعاۋ پروكۋراتۋراسىنىڭ اكتىسى بويىنشا قۇنى 8,3 ملرد تەڭگەدەن اساتىن 16 كونكۋرستىڭ قورىتىندىسى جويىلدى, دەپ جازادى Egemen.kz قاراعاندى وبلىسىنىڭ پروكۋراتۋراسىنا سىلتەمە جاساپ.
«كۇشىن جويۋعا قارجىلىق تۇراقتىلىق ينديكاتورى نەگىزىندە الەۋەتتى جەتكىزۋشىلەردىڭ قاتىسۋىن شەكتەيتىن تاپسىرىس بەرۋشىلەردىڭ كەلىسىم-شارتتاردى ورىنداۋ مەرزىمىن ۇلعايتۋ فاكتىلەرى نەگىز بولدى. مىسالى, قاراعاندى قالاسىنىڭ ءا.بوكەيحان اۋدانىنىڭ اكىمدىگى ءۇش جىلدىق مەرزىمگە 136 ميلليون تەڭگەگە اعاشتاردى سانيتارلىق كەسۋگە كونكۋرس جاريالاعان. بۇل ءبىر جىلدان استام كەلىسىم-شارت جاساسۋ نەگىزدەرىنىڭ تولىق تىزبەسىن قاراستىراتىن بيۋدجەتتى اتقارۋ جانە وعان كاسسالىق قىزمەت كورسەتۋ قاعيدالارىنا قايشى كەلەدى», دەلىنگەن اقپاراتتا.
زاڭ بۇزۋشىلىق قولدانىستاعى زاڭناماعا سايكەس انىقتالىپ, پروكۋراتۋرا قىزمەتكەرلەرى باقىلاۋدا ۇستايتىنىن مالىمدەدى.